ZIRNAA HLAWHTLINGTE PUALIN HUN HMANG

Chaltlang PYD chuan Inkaihhruaina dana an lo neih angin Dt 11.7.2022 (Thawhtanni) zan khan an tualchhung kohhrana lawi, kum 2021 - 2022 chhunga zirnaa hlawhtling, HSLC, HSSLC, BA leh a chung lam passed tharte pualin inkhawmna hun an hmang.

He hun hi President, Evan R. Lalthakima chuan kaihruaiin PYD Adviser, Evan F. Lalngaihawma chuan hunserh hmangin ani hnen atang hian fuihna thu tawi tha tak ngaihthlak a ni. Tin, zirnaa hlawhtlingte puala thusawi, Upa Lalnunmawia Chuaungo (IAS Rtd.) hnen atangin ngaihthlak a ni bawk a. He motivation speech hi inkhawm ten an hlawkpuiin, zirnaa leh Entrepreneur lama ke pen chho zel turte tan fuihna tha tak a ni.

Thusawi ngaihthlak zawh a nih hnuin Passed tharte hnenah lawmpuina leh chawimawina Memento hlan a ni a. Inkhawm banah thingpui ruai tuihnai tak kilho a ni.

 NORTH EAST INDIA PYD ZINGA LA AWM NGAILO T-SHIRT TLANGZARH

Dt 30.6.2022 (Ningani) zan Dar 7:00 khan United Pentecostal Church of North East India, North Mizoram District, Chaltlang PYD chuan North East India huam chhunga a hmasa ber ni turin North East India PYD Flag Colour hmanga siam T-Shirt chu Bro. David Lalremruata, Chaltlang PYD Secretary chuan a tlangzarh. He T-Shirt tlangzarhna hunah hian PYD member thahnem tak an fuankhawm a ni.

Chaltlang PYD chuan Dt 1.7.2022 (Zirtawp) zan khan Marka Group leh Johana Group-te inelna atan Futsal an khel a. Group pahnih inelna atan hian Sports Discipline hrang hrang hmangin intihsiakna neih chhoh zel a ni ang. 

 CHALTLANG PYD LEH CHANMARI PYD TEN INTAWHKHAWMNA NEI

Dt 16.5.2022 (Thawhtanni) zan khan Chaltlang PYD-te chuan Chanmari PYD te an tlawh a, hun hlimawm tak an hmang ho.

He hun hi Bro. Pc Lalrindika, Chanmari PYD chuan kaihruaiin tanna hun Sis. Lalmalsawmi (Asawmi), Chaltlangin a hmang a. North East India huap General Knowledge hmangin Quiz hmanga inelna neih a ni a. He Quiz hi Bro. David Lalremruata, Chaltlang PYD Secretary chuan a buatsaih a ni. Tin, Bro. C. Lalrimawia, Chaltlang hnen atangin Pathian thuchah ropui tak, tuiah leh Thlarauva pianna tello chuan Pathian ram a luh theih loh a ni tih thupui hmangin ngaihthlak a ni bawk. Tin, Sis. Kanan Ramchullovi leh Sis. F. Lalremruati te hnen atangin fakna hla mawi tak ngaihthlak a ni bawk.

He intawhkhawm hun hi boruak tha tak hnuaiah hlim taka hun hman a ni a. Inkhawm banah Chamari PYD-te buatsaih thingpui ruai tui tak kilho a ni bawk.