Article: “Miten
mihring fapa hi tunge a ni an tih?”
- Mathaia 16:
13-19.
Sis. Lalthakim
Hmar, Silchar.
Hemi zawhna ropui tak
hian, chhanna pali/ panga vel a nei a. Zirtirte meuh pawh kha Lal Isua zui ve
reng chung khan, an va chiang lo hlawm tak êm! |henkhatin Baptistu Johana,
thenkhatin zawlnei Elija, thenkhatin Jeremia, thenkhatin zawlnei tuemaw ni
turin an ringin an chhâng a. Petera’n a chhan dik a vangin, thil ropui tak leh
îtawm tak mai, Vanram chabi pêk niin, Thuthlung Thar kohhran founder ropui tak a rawn ni chho zel ta a ni.
Zirtîrtu (teacher) ka nihnaah hian, zawhna chhâng diktu
chunga a lawmawm zia hretu pakhat ve niin ka inring a. Nitina tha tawka kan zirtîr zirlaite zawhna kan han zawha, awm lo lutuka an rawn chhan
hi chuan, thin an ti rim theiin, rilru nâ leh mangang takin min siam kan Chu chhanna
dik petu chuan, a thiante thiamlohna avanga zirtîrtu rilru nâ pawh kha a rawn
thawidam thin. Chhanna dik hi a va han hlû in a va han duhawm tak êm!
Hemi zawhna ropui tak hi, ka thinlungah vawi tam a rawn lang thin
a. Mihring hian tu kan nihna hi khawvela chumi khami fapa/fanu; chumi khami
tupa/tunu; chuta khata piang leh hnathawk; chumi khami Hnam, etc.tih ang zawng
hian kan inchhuiin kan inhrilh
fo thin a. Mahse kan Bible châng thlan (refer) leh, Lal
Isua kha Petera chunga a lawm em em theihna hi, ngaihtuah tham tak a ni. Kan khawvel thil hmuhtheihte nena kan kan nihna hi kan chhungrila awm, hmuhtheihlo ‘keimah’
(inner invisible self) hi a ni zawk a. Khawvela thil awmte nena kan inlaichinna hi ral vek mahse, ‘tu kan
Kum 2005 lai vel, ringlo mite zînga ka awm laiin, zankhat
chu khum laizawlah hemi zawhna hi tihian a rawn lang a: “Miten Lalthakimi hi
tunge a ni an tih?”….. Hemi zawhna ril tak hian, ka duhthlanna ni miah lovin,
mahni inchhuina (self-analysis) min neihtîr a. Mite chhanna tur chi hrang hrang
ka ngaihtuah a, tu hriatpui lovin, zahna mittui ka biangah a lo luang a. Engte
nge ni ang aw mite’na ‘tu ka nihna’ an sawi dan turte chu: ‘Dawheh-i’,
‘Vervek-I’, ‘Chapo-I’, ‘A lang chaua thlarau mi’, ‘Mahni thu duh-i’, ‘Itsikna
ngah-I’, etc te hi nge? ka nihna anga ka ngaih hi, mi dang te hian an pawm em?
Nia ka inngaih hi, ka nihna nge ka duhthusam? Hemi zawhna hi keima nilo, midang
te chhan tur a ni bawk si a. Lal Isua ang khan, dik taka rawn chhângtu chungah
hian ka lawm ang em? Nge, ka duhthusam min sam puitu chungah hian ka lawm hle
zawk dâwn?
Mite tâna nung
pumhlum chu ka nilo nain, keima tân chauha nung ka ni bîk lo va. Chutih lai
chuan, ‘Tu ka nihna’ thunun (influence) thei châkna (desire) tam tak a awm
bawk: thiltihtheina(power) nei, dinhmun (status) siam siam
‘Miten tunge
ka ni an tih?’, ‘Mite tan tunge ka nih?’ tih zawhna hi midangte chhan turin kan
KHAWNGE
PAKUA TE KHA.
Pastor.C.Vanlalena
Sawmapakhat hi Lalpa pual/Lalpa ta liau liau ani
a(Lev 27:30,Mal 3:10), Pathian duhdan zawm a,pek hi kan mawhphurhna ani a, a chungah
mihringten thuneihna kan
Mi tamtakten, Puithiamte hnen thlentir hma a, Lalpa
chanpual sawmapakhat hi,mahni duhdan a, semrual mai an chak thin a,a chhan chu,
a relbawltute relbawlah kan khawpkham loh vangte, kan duhdan leh tumdante leh
kan beisei dan angtea, thil a kalloh vangte, mimalin thatur anga kan thlir ve
dan anglova thiltih anih thin vangte ani.Sawmapakhat diktaka pek hi kan zavaia
tihtur ani a, kan pekloh chuan Pathian thuawihlo misual kan ni, pelova
thildanga thahnemngai viau si te hi, rukru leh thilsual
tichunga thahnemngai kan ni ringawt ani. Chutiang bawkin Sawmapakhat dawng
khawmtu leh ei leh in atana hmang a,relbawl thin tuten, Pathian duhdan thlir
lek lova an hmana, Pathian duhdan ang lova an penpui phawt chuan hremna an
pumpelh lovanga,a petute chuan thiam an chang ang. Chutih laiin, kan duhdan leh kan thahnemngaihna kawng lo zawnga, rorel
khawlin sum leh pai, a hmang ni a kan hriat
avanga, sawmapakhat hi,a aiawh Puithiamte hnen thlengzolo zawng a kan
Khawvelah kan ni tin thiltih leh eizawnnan Lalpan
RAM min pe a, thawk thei turin damna
tha minpe a, kan siam kan thawhchhuah atangin sawmah pakhat
chauh min hauhsaka,abak pakuate chu kan mamawh
angzela hman turin kan kan petha
phal lova kan kan la chan
pakuate kha pumbilhveka, Lalpa pual,pakhat chauh atang khan
Sawmapakhatte,Ramthim atante,Biakin pual atante, thendarh kan
Sawmapakhat petuten pe dik phawt ila, a
hmanna tur ngaihtuah tuten ruahman dik leh ila, a kalnatur
kawnga pek dikloh in zirtir ai chuan, kan pekdiksa ruahmanna kawngah thurawn
dik inpe ila, a ruahmantuten thurawn tha leh dik chu zawm tum bawk ila.Lalpa
kohhran hi dikna kawngah diktaka kal turin i infuih thar leh sauh sauh ang u
khai.Lalpa pual SAWMAPAKHAT thawhlawm dang atan thren i tum maw? Khawnge ila
chanve PAKUA TE KHA ??
Lalpan
malsawm mawlh rawhse.
SAKAWLH LEH A NAMBAR.
Tunlai titi tam takah sakawlh leh sakawlh
nambar a lar hle a, Bible-in ‘Sakawlh’ a tih hi enge nia, eng anga hna thawk
tur nge a nih? hriat a pawimawh hle a. Sawi hawn nan ka han ziak a, he
lama tui miten rawn chhunzawm se. Dan. 7:1-8
ah sakawlh pali kan
tein sawifiah ta ila:-
1. Sakawlh pakhatna :-
Dan.7:
2-4. Sakeibaknei ang, mupui anga thla nei, Daniala’n a hmuh hi, Babulon sorkar,
Nebukadnezzara lal ram, khawvel hneha awp bettu kha a ni a. Sakeibaknei hi
ramsa zinga ropui leh huaisen ber a ni a, hei hian Babulon lal Nebukadnezzara
chu lal ropui leh huaisen tak a nihzia a tilang a. Mupui hi chungleng sava
zinga chak leh huaisen, ram zau tak taka thlawk kual chi a nih angin, Babulon
lal hi lal chak leh huaisen, ram zau tak tak la duai duai mi a nihzia a tilang
bawk a. Mupui anga thla a neih, a lo thlawn ta khan, Nebukadnezzara a lo at tak
avanga a chakna hmang thei lova a awm takzia a entir a. Ke pahniha ding tura
mihring thinlung pek a nihna hian, Pathianin Nebukadnezzara thinlung a tihvar
sak a, lalthutthleng a luah leh takzia a entir a. Nebukadnezzara hi khawvel
hneh hmasa bertu, sakawlh pakhatna a ni.
2. Sakawlh pahnihna
:- Dan.7:5. Savawm ang, a ke khing lehlama ding, nak ruh pathum seh
kawh, Daniala’n a hmuh hi, Babulon sorkar hneha khawvel awp bettu, Medo leh
Persia sorkar (lal Kura leh lal Daria) inkawp kha an ni a. Savawm hi ramsa
zingah a kawlh em em a, a tawh apiang seh a tum zel thin angin, Medo leh Persia
sorkar hi an kawlh em em a, an vela sorkarte chu an bei a, an hneh zel a.
Savawm a ke khing lehlam (ke 2) a ding hian lal pahnih inkawp a nihzia a entir
a, nak ruh 3 a seh kawh hi a ram lak, sorkar pathum inhlawm khawm (Babulon,
Lybia, Aigupta) te an ni a. Heng ram pathumte a lak dan pawh hi a kawlhna
leh a sipai tamna avang a ni. “Tho la, tisa tam tak ei zo rawh,” tih hian
ram tam tak hnehtu a nihzia a tilang.
3. Sakawlh pathumna :- Dan.7:6- Keite
ang, thla pali nei, lu pali nei, Daniala’n a hmuh hi Medo leh Persia hnehtu
Greek lal ram, (Alexander ropuia) khawvel hnehtu kha a ni a. Keite ang, thla
pali nei a nihna hian, a chakzia leh tuan ranzia a entir a. Greek lal ram hi a
tirah chuan zimte a ni a, kum 10 chhung lekin khawvel a hneh a, India ram pawh
a rawn hneh hial a ni. A lu pali hi Alexandera sipai General pali (i) Ptolemy -
Aigupta awptu (ii) Selucus - Suria ram awptu, (iii) Caisunder - Makedonia ram
awptute an ni.
4. Sakawlh palina:- Dan.7:7-8 Sa
tihbaiawm leh hlauhawm tak, thir ha ropui tak nei, ei buan buana, pawt sawm
buan buan, a lu-a ki sawm nei. Daniala’n a hmuh hi Greek lal ram hneha khawvel
awptu, Rom sorkar chu a ni a. Thir ha ropui tak a neih hian Rom sorkar nghehzia
a entir a, a hmaa lal ram 3-te ai chuan a ding rei daih a, B.C.63 - A.D. 476
thlengin a ding a, Isua Krista khengbeta, Apostol-te leh mi thianghlim kal
hmasa te nasa taka sawisatu pawh Rom sorkar hi a ni.
He sakawlh lu sarih leh ki sawm nei
Daniala hmuh hi, AD 96-a Johana’n sakawlh lu sarih leh ki sawm nei a hmuh nen a
thuhmun a, ”Ki sawm i hmuhte kha lal 10 ram la nei lote an ni,” (Thup. 17:12)
tih a ni. Tin, Dan.2:31-45 a Nebukadnezzaran a mumanga mi lim ropui tak a hmuh,
ke zungtang sawm nen pawh a thuhmun bawk a. Rom sorkar ropui tak
kha A.D. 476 hnuah lo tlu chhe mah se, khawvel hun hnuhnungah hian a ki
10 (lal ram 10 inzawm khawm) hi a lo la ding leh dawn a, hei hi sakawlh
hnuhnung ber tur chu a ni. He sakawlh lo che leh tur hian Israel-te pawh thla
42 zet a la awp bet leh dawn a ni. (Thup.11:1-2)
Sakawlh lo lan hmain
mi thianghlim lawr a ni ang :
Luka 17:26-28 ah,
“Nova dam laia thil awmzia ang khan mihring fapa lo kal leh ni te chuan a awm
bawk ang; chutiang bawkin Lota dam laiin a lo awm a,” tih kan hmu a. Nova dam
laia Pathianin khawvel a hrem dawnin Nova-te chhungkua lawngah a luhtir phawt
a, tui lian hmanga mi sualte chunga phuba lakna rapthlak a thlen laiin, Nova-te
chu tui lian chung lamah an leng chho diai diai mai a. Sodom leh Gomora
Pathianin a hrem dawnin Lota-te chhungkua pawh a hruai chhuak phawt a, chumi
hnuah Sodom khua chu mei leh kat-in a hrem ta a. Chutiang bawkin khawvel hun
tawpa sakawlh chetna leh Pathian phuba lakna rapthlak thlen hma ngeiin
ringtute chu Lal Isua’n van boruakah a seng phawt dawn a, chu chu ‘Mi thiang-
hlim lawr, rukru anga Isua lo kalna’ tih a ni. (Matt. 24: 42-43; Luka 17:34-36;
I Thess.5:2-3; II Pet.3:10;) “Ngai teh, rukru angin ka lo kal dawn e, inringa
puan veng chu a eng a thawl e; chutilochuan saruakin a leng ang a, a zahmawh an
hmu dah ang e, hmun pakhat Hebrai tawnga ‘Harmagedon’ an tihah chuan an hruai
khawm ta a,” (Thup.16:15-16) tih kan hmu a, rukru anga mi thianghlimte lak an
nih hnuah sakawlh chetna leh Harmagedon indona chu a lo thleng chauh ang.
Daniala hapta 70 :
Daniala hapta 70 hi
sawi tel a ngaih thin avangin, a kaih tawiin tlem sawi tel ila: Dan.9:24-27 ah
chuan, “Bawhchhiatna tikin tur leh sualna titawp tur te, khawlohna thianfai tur
te, chatuan felna la lut tur te, inlarna leh thu hrilh lawk nena chhinchhiah
tur te, hmun thianghlim ber chu hriak thih turtein i mite leh i khawpui
thianghlim tan hapta sawmsarih pek a ni. Tin, hapta sawmruk pahnih hnuah chuan
hriak thiha (Krista) chu tihbo a ni ang a, engmah a nei tawh lo vang: tin, lal
lo kal tura mite chuan khawpui leh hmun thianghlim chu an tichhia ang ;
tichuan, a tawpna chu tui lian nen a ni ang a, a tawpna thleng pawhin
indona (Harmagedon) a awm ang, chhiatnate chu a inruat sa a ni. Tin, hapta khat
atan mi tam tak hnenah thuthlung nghet tak a siam ang a; tin hapta chanve-ah
chuan inthawinate leh thil hlante a tibang ang; tin, titiautu chu tenawmna thla
chunga chuangin a lo kal ang a; tin, tawpna lo thleng ngei tura ruatsa thleng
chuan thinurna chu titiautu chungah chuan leih buak a ni ang.” tih kan hmu a.
Pathianin Daniala hnena hapta 70 a
pek hi kum hapta a ni a, (Kum 7 zel hi hapta khat a ni a, hapta 70 chu kum 490
a ni) He hapta sawmsarih hi Juda-ten an hman zawh chuan ‘kum sang rorel’ hi
thleng tur a ni a.
(i) Bawhchhiatna tihkin a ni ang a,
(ii) Sualna zawng zawng tihtawp a ni
ang a,
(iii) Khawlohna then fai a ni ang a,
(iv) Chatuan felna lak luh a ni ang
a,
(v) Inlarna leh thu hrilh lawkna a
ngai tawh lo vang,
(vi) Hmun thianghlim ber chu hriak
thih a ni ang.
He hapta 70 hmang tura
thupek hi, Jerusalem tungding leh sa tha tura thupek a chhuah atanga intan a
ni. (Nehemia 2:1-8) chu chu B.C.445 atanga intan a ni. Israel-ten he hapta hi
an hman chhoh mek laiin, a kum 483 (hapta 69)na an hman laiin Isua Krista
Kross-ah khenbeh a ni ta si a, Lal Isua Krista khenbeh (AD.32 vel)
atangin kohhran hun, kum 2000 chuang zet a lo tlazep ta si a, Juda-te chuan an
hapta 69 (kum 483) hman bak, hapta khat kum 7 la hman tur chu an hmang thei ta
lo va, khawngaihna thuthlung thar hun (kum 2000 chuang zet) hi tihtawp a niha,
Lal Isua’n mi thianghlimte a lawr phawt hnuah Juda-ten an hapta hman bak la
awm, hapta khat (kum 7) hi an la hmang leh dawn a, he hapta an hman hun tur hi
‘kum 3 leh a chanve hmasa leh hnuhnung’ tia then a ni a.
He kum thum leh a chanve
hmasa zawkah hian:
(i) Juda-te hnenah thu hretu
pahnihin thu an hril ang.(Thup.11:3)
(ii) Lal sawm inzawm khawm leh
kohhran kal sual (nawhchizuar)
chu an inkawp ang (Thup.17:)
(iii) Kum 3 leh a chanve hmasa a ral
dawn tepah hian Juda- ten sakawlh
nen inremna thuthlung an siam ang.(Thup.17:13)
(iv) He sakawlh hian rei loteah Juda-te
inthawina leh thil hlan chu
tihban sakin, Juda-te thuthlung leh Pathian Dan chu a bawhchhiat sak ang.
(IIThes.2:8-9)
(v) Sakawlh hian a kawppui kohhran
kal sual pawh a duh leh lo ang a,
a tiboral bawk ang.(Thup.17:16)
Kum thum leh a chanve
hnuhnung zawkah:
(i) Titiautu tenawm chu a din lohna
tur hmun thianghlim (Jerusalem Temple)-ah a lo ding ang, (Dan.9:27; Matt.24:15-22)
(ii) Rom ram lo thangharh thar, lal
sawm inzawm khawm chuan Jerusalem
chu thla 42 (kum thum leh a chan ve an rap bet ang) (Thup.11:2)
(iii) Dan bawhchhepa (sakawlh lal
ram) chet hun tur hi thla 42 (kum thum leh a chanve)a ni.(Thup.13:5)
(iv) He hun tawpah hian indona
rapthlak (Harmagedon) a lo thleng
ang.(Thup.14:19-20; 16:15-16; 19:11-18; Joela
3:1-2)
Daniala hapta 70-na, hapta
khat, kum 7 hun chhungah hian Thup. bung 6-19 inkara buaina chi awm zawng zawng
hi a lo thleng ang.
Sakawlh leh a hming
Nambar chu :
Lal Isua’n ringtute a seng hnua, Rom
lalram sawm in zawm khawma lo ding chhuak leh tur (sakawlh) hi:-
(i) Dan.7:7-8
in, “Sakawlh ki 10 ” tiin a sawi .a
(ii)
Thup.17:3-8 in ”Sakawlh ki 10 nei” a ti bawk a,
(iii)
Dan.2:31-45 in mi lim ‘ke zungtang sawm’ tiin a sawi thung a, an sawi tum
a thuhmun vek a.”Ki sawm i hmuh te kha, lal sawm ram la nei lote an ni,”
(Thup.17:12) tih a ni bawk. He ki 10 ram la nei lo, lo ding chhuak tur hian,
kohhran kal sual (nawhchizuar) chu a rawn kawppui dawn avangin, “Sakawlh lu
sarih leh ki sawm nei chungah nawhchizuar ropui tak a thu,” (Thup.17:7-10) tiin
sawi a ni. He sakawlh lal ram hian khawvel rawn hnehin, Israel-te ngei
pawh a rawn awp bet leh dawn a. ”Jerusalem khaw thianghlim chu Jentel-te
(sorkar) chuan thla 42 (kum 3 leh a chanve) an rap bet ang,” (Thup.11:1-2) tih
kan hmu a. “Sakawlh chu thla 42 che tura thu pek a ni,” (Thup.13:5) He mi hunah
hian sakawlh ‘Dan bawhchhe pa’ chu a din lohna tur hmun thianghlim (Jerusalem
Temple)-ah lo dingin, ama lim ngei chu chibai buk turin a tar chhuak dawn a
(Matt.24:15-16; Dan.9:27) He sakawlh hian, “Pathiana an vuah apiang leh sakhua
zawng zawng dovin, Pathian ang hialin a intar chhuak ang.” (II Thes.2:4)
Thup.13:15-18, “Tin, sakawlh
lem chu a tawng theihna tur leh sakawlh lem chibai buk lo apiang a tihhlumtir
theihna turin sakawlh lem hnenah chuan thawkna pek phal a ni. Tin, mi zawng
zawng a lian a tein, a hausa a retheiin, bawih leh bawih lo pawh, an kut
dinglamah emaw, an chalah emaw chhinchhiahna a neihtir hlawm a, chhinchhiahna
sakawlh hming emaw, a hming nambar emaw nei te chauh lo chuan tuman engmah an
lei leh an hralh theih loh nan. Hetah hian fin a tulzia a lang. Chhut thiam
chuan sakawlh nambar chu chhut rawh se, mihring nambar a ni si a; a zat chu 666
a ni” tih kan hmu a. Sakawlh chhinchhiahna lo awm tur hi chu, ‘Sakawlh hming
emaw, a hming nambar emaw’ tih a ni.
Sakawlh chet dan tur
point 8 tar lang ila:-
(i) Jerusalem khua chu
thla 42 a awp bet ang (Thup.11:1-2; 13:5)
(ii) A din lohna tur
hmun thianghlim (Jerusalem temple)-ah a lo ding
ang (Matt.24:15-16; Dan.9:27)
(iii) Pathiana an vuah
leh sakhua zawng zawng a do ang. (IIThes.2:4)
(iv) Pathian Biak Inah
Pathian ang hialin a intar chhuak ang. (IIThes.2:4)
(v) Sakawlh leh
a lem chibai buk lo apiang a tihhlum theihna turin sakawlh lem hnenah thawkna pek a ni
ang. (Thup.13:15)
(vi) Mi zawng zawng,an
kut dinglamah emaw, an chalah emaw chhinchhiahna a neihtir ang. (Thup.13:16)
(vii) Sakawlh hming
emaw, a hming nambar emaw neite chauh lo chuan engmah an leiin an hralh thei lo vang.
(Thup.13:17)
(viii) Sakawlh nambar
chu mihring nambar a ni a, 666 a ni (Thup.13:18)
Heng point 8 atang hian sakawlh leh a
chet dan tur kan hmu a. Tun laia sakawlh nia kan sawi te hi chuan, a lim tar
chhuah a nei lo va, chibai buk duh lote tihhlumna thu pek pawh a nei lo va,
Pathiana vuah apiang leh sakhua zawng zawng a do bawk si lo va, sakawlh hming
leh a hming nambar nei turin tumah a tilui bawk si lo va. Chhiarpui (Census)
leh khua-leh-tui (Citizenship) chhinchhiahna mai a ni a, hlauh tur a awm lo ve.
Sakawlh lal ram chu
Isua’n a titlawm ang:
He sakawlh hnuhnung
ber (Rom lal ram tlu chhe tawh hnu) Daniala hapta 70 na hapta khat
kum 7 chhunga lo ding chhuak leh tur (lal ram 10 inzawm khawm) hian
kohhran kal sual (nawhchizuar) chu a rawn kawp ang a, he sakawlh lal ram
hro-hrang na tak hi, Harmagedon indona in a chhilh zui ang. Lal Isua’n
kum sang rorel tura mi thianghlimte nena van boruak atanga leilunga a chhuk
hunah a titlawm ang. Nebukadnezzara mumanga a mi lim hmuh, a ke zung tang
sawmte (lal ram10) Daniala’n a hrilhfiahnaah, “Chung lalte niah chuan van
Pathianin ram a rawn din ang a, chu chu a chhe ngai tawh lo vang a, a lalna
pawh mi dangte tan hnut chhiah a nei hek lo vang. Heng ram zawng zawngte hi a
tikeh sawmin a tiral zawk ang a, kumkhuain a ding reng ang.” (Dan.2:44) tih kan
hmu a ni.
Hetih hunah hian, sakawlhin mi
thianghlim a lo tihhlumte chu Lal Isua’n a kai tho ang a, Thup.20:4-ah “Sakawlh
leh a lem chibai buk lova an chalah emaw, an kutah emaw chhinchhiahna nei lote
thlarau chu ka hmu a, chungho chu an lo nung leh a, kum sangkhat atan Krista
nen rorelin an awm,” tih kan hmu a ni. He kum sang rorel hunah hi chuan Lal
Isua’n thuneihna zawng zawng a nei tawh ang a, ringtute zalenna ni ropui a lo
thleng tawh ang.
Kan chhandamtu tak leh a ropuina,
Chiang takin amah kan hmuh hunin;
Lalin khawvel zawng zawng ro a rel
ang,
Mi tinin ‘a mak hle’ kan ti
ang.”
Chhiartute thu dik hmu
chhuaka, hlauh tur dik tak hlauva, hlauh loh tur chu hlau miah lo turin, Lal
Isua’n malsawm zel rawh se. Amen !
&&&&&&
ISUA
HI PATHIAN A NI
Bible : “Amahah
(Isuaah) chuan Pathian famkimna tinreng chu taksa neiin a awm reng si a”
(Kolossa 2: 9)
Pathian lehkha thuin Pathian hi pakhat
a ni tih a rawn nemnghet ang thlap hian Isua hi Pathian a ni tih a rawn
nemnghet thlap a ni. Isua hi Pathian famkim a ni ang bawkin mihring famkim a ni
tih Bible hian min zirtir a ni. He bungah hian Isua hi Pathian famkim a ni tih
kan sawi dawn a; Bung 5 -naah mihring famkim a ni tih thupui hmangin kan zir
leh ang a. Isua hi Pathian a ni tih Pathian lehkhathu hmangin kan sawilang ang
a, chhiartute tan hriatthiam a awlsam zâwk nan number kan pe thin ang.
THUTHLUNG HLUI KHAN ISUA HI PATHIAN A NI TIH A RAWN PUANG
A
1. Isua hi Pathian kan
tih chu a ni tih hriatfiah theihna chiang tak pakhat chu Isaia 9:6 thu hi a ni
a: “Kan tan naupang a lo piang a, fapa pêkin kan awm ta a, rorelna chu a kokiah
a chuang ang a, a hmingah chuan Maka, Remruattua, Pathian Chaka, Chatuan Pa,
Remna Lal an ti dawn si a”. Nau tê(Naupang) tih hian “Pathian Chaka” leh
“Chatuan Pa” mihringah a lo channa emaw a inpuanchhuahna chu a sawi chiang hle
a ni.
2. Isaia hian Messia
chu Immanuela sak tur a ni tih a sawi lâwk a, Immanuela chu kan hnena Pathian
awm tihna a ni si a. (Isaia 7:14; Matthaia 1:22-23).
3. Isaia chuan Messia
chu Davida pa Jessaia atanga lo chawrchhuak a nih thu leh Jessaia chu Messia
atanga lo chawrchhuak a nih bawk thu a sawi a (Isaia 11:1, 10). Tin, Isua chuan
Davida lo chawrchhuahna zung leh Davida thlah a nih tho thu a sawi leh bawk a
(Thupuan 22:16). Mihring tîsa a nihna kawngah chuan Jessaia leh Davida thlah
atanga lo piang a ni a, chutihlai chuan Thlarau a nihna lamah ve thung
chuan Jessaia leh Davida te siamtu, an nunna zung a ni leh tho bawk a. Hemi
thil nih dan hi rilrua hre ran chungin Pharisaite tih manganna tûrin Sam 110:1
thu hi Isuan a sawichhuak a. “Davida chuan Lalpa tiin Messia chu a ko si
a, engtinnge Messia chu Davida fapa a nih theih le?” tiin a zawt buai duh ve
kher a ni (Mathaia 22:41-46).
4. Isaia 35:4-6 thu
hian Isua chu Pathian a ni tih a tilang leh bawk a: “Ngai teh u --- in Pathian
chu a lo kal ang a, a chhandam ang che u” tiin. Pathian a lo kal hunah chuan
mitdel te mit a lo var ang a, bengngawng te beng pawh tihvarin a awm ang a,
kebaite pawh an zuang ang a, tawngtheilote lei pawh a lo tawng bawk ang tih thu
hi a sawi chhunzawm bawk a. He Pathian lehkha thu hi Amah insawi nan Isuan a
hmang a (Luka 7:22), a rawngbawlnaah khan heng thil hi a ti vek reng a ni.
5. Isaia 40:3 thu chuan,
“Thlalerah LALPA kawng buatsaih ula, ram rovah chuan kan Pathian tan
lamlian tirual rawh u.” a ti a, Baptistu Johana khan Isua tan kawng a sial sak
a, heng hrilhlâwknate hi a ti famkim ta a ni (Matthaia 3:3). Tichuan, Isua hi
LALPA (Jehova) kan Pathian chu a ni.
6. Mika 5:2 thu chuan
Messia (Isua) hi Pathian a ni tih a tifiah leh bawk a. “Nimahsela, nang
Bethlehem Ephratha, Judai rama sang tam tak zinga telah tê hle mah la, nangma
lak atang hian Israelho roreltu tûr chu ka tan a lo chhuak ang a; a lo chhuahna
chu hmakhawsang ata, chatuan atangin a ni.” tiin.
Tichuan Thuthlung Hlui
hian Messia leh Chhandamtu lo kal tur chu Amah Pathian ngei a ni tih chiang
takin a sawi a ni.
THUTHLUNG THAR HIAN
ISUA HI PATHIAN A NI TIH A PUANG BAWK A
1. Tirhkohte 20:28 thu
hian Kohhran chu Pathianin a thisenin a lei a ni tih min hrilh a, chu Pathian
thisen chu Isua thisen hi a ni.
2. Paula chuan Isua
chu “Kan Pathian ropui tak Chhandamtu Isua Krista” tiin a sawifiah a (Tita
2:3). New International Bible (NIV Bible) chuan “Kan Pathian leh Chhandamtu
ropui tak, Isua Krista” tiin a sawi bawk a ni.
3. Petera chuan “Isua
Krista kan Pathian leh Chhandamtu” tiin a sawifiah a (II Petera 1:1). NIV leh
TAB (Amplified bible) chuan “Kan Pathian leh Chhandamtu Isua Krista” tiin an
sawi bawk a.
4. Kan taksa hi
Pathian Biak In (Inkhawmna temple) a ni a (I Korinth 3:16-17), Krista ngei chu
kan thinlung chhunga cheng (leh kan taksa chhunga cheng) a ni tih kan hre bawk
a (Ephesi 3:17; II Korinth 13:5).
5. Kolossa bu hian
Krista Pathianna chu khauh takin a sawi uar hle a ni. “Amahah (Kristaah) chuan
Pathian famkimna tinreng te chu taksa neiin a awm reng a ni” a ti a ni (Kolossa
2:9; 1:19). He Pathian thu chang hian Isua chu Pathian a ni ve tawk tawk angin
a sawi lova, Pathian Pathianna zawng zawng chu Amahah hian a kim vek a ni a ti
zâwk a ni. Pathian Pathiannaah chuan mi hrang hrang an awm an tih thin chu lo
dik ni ta ang sela chuan, Kolossa 2:9 thu hian Chung mi hrang hrangte chu taksa
neiin Isuaah hian an awm kim vek a ni tiin a sawi ngei tûr a ni ang. Amahah
chuan kan famkim ta bawk a (Kolossa 2:10). Pathian hnena mamawh kan neih
apiangte chu Isua hnenah hian a kimin kan hmu vek bawk a. (Kolossa 2:9 thu
sawizauna leh Kolossa ziak a Krista Pathianna fiah lehzualna chu Bung 9:
THUTHLUNG THAR HRILHFIAHNATE: TIRHKOHTE A=ANGA THUPUAN THLENG tih en ang
che).
Isua Krista Pathian a nihna famkim
Thuthlung Tharin a sawi chu kan hrechiang ta phawt a.
PATHIAN CHU MIHRING
ISUA-AH A LO CHANG
Isua hi Pathian a ni tih thu hian a sawi ber
chu Pathian chuan Mihring tisa a rawn pu tih hi a ni. Hei tak hi Bible-in a
sawi chu a ni.
1. “Pathian chu
tisa puin a lo lang a, (Tisa a lo lang a)
Thlarauva thiam chang a,
Vantirhkohte hmuha,
Jentailte zinga tlangaupuia,
Khawvelah hian mite rina,
Ropuinaa hruai chhoh tâka chu”. (I Timothea 3:16). (Chang16 thu
nemnghettu chu chang 15 thu hi a ni tih en nawn leh la). Pathian chu hmuh theih
tûrin tîsaah a lo chang ta a; Pathian chu thlarauvah hriatfiah (a dik tih) a lo
ni ta bawk a; Pathian chu Vântirhkohte’n an hmu tawh bawk a, Pathian chu
Khawvelah miten an lo ring ta bawk a, Pathian chu ropuinaah lakchhoh a ni leh
tawh bawk a nih chu. Engtin leh engtikah khan nge heng thil hi a lo awm? Isua
Kristaah khan a thleng famkim vek tawh.
2. “A tirin thu a awm,
thu chu Pathian hnenah a awm, Thu chu Pathian a ni- Thu chu tisaah a lo chang
ta” (Johana 1:1-14). A tak takin thu (Pathian) chu Tabernacle-ah (Biak Inah)
tisain a lo chang ta. Engtik lai khan nge Pathian chuan tisa kawr a rawn hak?
Isua Kristaah khan a famkim vek tawh bawk. Heng Bible thu te hian Isua chu
Pathian a ni tih a sawifiah hle mai. Pathian chu tisa taksain a inpuang, a
inhriattir, a inhriatfiahtir, a in pholang, a in entir takmeuh a ni.
Pathian chu Thlarâu a nih kha. Thlarâu chauh
a nih lai khan tisa leh thisen a nei lova, mihring hmuh theih a ni hek
lo. Mihringte hmuh theih a nihna turin leh kan sual tam tak tan thisen
thianghlim a chhuahtir theih nan tisa a rawn put a tul a ni. (Fapa a nih chhan
hriat belh nan Bung 5 thu: PATHIAN FAPA tih en ang che). Isua hi Pathian dang a
ni lova, Pathian peng pawh a ni lova, Thuthlung Hluia Pathian tisaa inthuam a
ni zâwk. Pa a ni a, mihring sualna avangin chutianga a lo awm chu a tûl miau si
a ni. Mihringin kawrchung a ha thin ang chiah hian Pathianin tisa a rawn ha a
ni. Pathian lehkhathu chang tam tak hian Isua Krista hi Thuthlung Hlui Pathian
ngei kha a ni tih an puang a, amah a inpuan chianna tûr leh lêi leh vân inrem
lehna turin tisa kawrfual a rawn ha mai a ni.
3. “Khatia Pathianin
Kristaah chuan Khawvel hi amah nen inremin a siam a- inremna thu min kawltir
kha” (II Korinth 5:19).
4. “Tuman englai mahin
Pathian an hmu ngai lo, a Fapa mal neih, Pa angchhunga awm ngei khan a chanchin
a hril tawh a ni” (Johana 1:18).
5. “Pathian,
Hmakhawsanga thlahtute hnena bung tam tak leh kawng tinrenga zawlneitea thu
sawitu khan, heng ni tawpah hian keimahni hnenah a Fapaah chuan thu a sawi ta.
Chumi chu engkim rochungtuah a ruat a, chumi pawh chuan Khawvel te chu a siam
a, Ani chu a ropuina êng leh a tak anpui ngei leh ama thiltihtheihna thua
engkim tungdingtu niin, sualte a tlenfai hnuin chunglama Ropuibera dinglamah
khian a han thu a” (HebraI 1:1-3).
6. “Isua chu
hmuhtheihloh Pathian anpui (Image) a ni a” (II Korinth 4:4; Kolossa 1:15).
7. Isua chu Puanin
taksa a khuh ang a, tisaa inkhuh Pathian a ni (Hebrai 10:20). Ama thusawi
hrethiam vek lovin Abrahama pawh hian, “Pathianin beram no chu a intumchawp ang
chu” a ti a nih kha (Genesis 22:8). Pathian chuan inthawina tûr taksa chu a
intumchawp ta ngei reng a: “Inthawina leh thilhlan i duh lova, ka tan taksa min
buatsaihsak zâwk a ni” tih a nih kha (Hebrai 10:5).
8. Isua chu chhungkaw
dintu a ni a (Pa Pathian leh Engkim siamtu a ni a). A chhungkaw dinah chuan
Amah chu Fapaah a rawn insiam bawk a (Hebrai 3:3 - 6).
9. Ama thilsiamte hnen
ngeiah chuan a lo kal a, A mi thlanchhuahte hnenah ngei chuan, nimahsela an lo
hre lova, an lo lawm bawk hek lo (Johana 1:10-11).
A TIRIN THU A AWM
Johana bung khat thu hian
Pathian tisaa a lo channa rilru chu chiang takin min zirtir a. A tirin thu a
awm (Thu hi Greek tawng chuan Logos a ni a). Mihring thu hi mihring atangin
mihran a ni lo ang bawk hian Pathian thu hi Pathian lak atanga pathian dang
emaw midang emaw a ni thei bik chuang lo. Pathian rilru leh Pathian remruatna
leh Pathian ngaihtuahna chu Thu (Logos) chu a ni. A tirin Thu (Logos) chu
Pathian thinlung chhungah Pathian hnenah chuan a awm a, thu chu amah Pathian
ngei chu a ni(Johana 1: 1).Khawvel awm hma atang daih tawhin mihringa lo chan
chu Pathian rilruah chuan a lo awm daih tawh a ni. Khawvel leilung nghahchhan
phum hmain Pathian Beram No chu Pathian rilruah chuan talhin a awm daih tawh a
ni (I Petera 1:19-20; Thupuan 13:8).
Logos hi Greek hman
danah chuan thupuang chhuaktu rilrua thil awm, remruattua emaw hrilhfiahna
emaw- lemchan ziaktu rilrua thil awm tihlanna hi a ni a, tin, taksa chetziaa
ngaihtuahna lanchhuahtir emaw a sawi a sawi pawh nise, lemchanna hmun dawhsana
tihchhuah hi logos chu a ni bawk.Johana bung khatna thu hian logos chu a tirah
Pathian rilruah a awm tih thu a sawi a ni. Hunbi tiam a lo kim veleh Pathianin
a remruatna chu thiltihin a lanchhuahtir ta a ni. A remruatna chu tisain a
thuam ta a, Isua Krista, mihring pianhmang pu a lo ni ta a ni.
John Miller chuan Logos chu “Amah Pathian
inpuangchhuak” a ni a ti a ni [10]. Amplified Bible chuan Johana1:1 thu hmawr
bawkna chu “Thu chu amah Pathian ngei chu a ni” tiin a letling a ni. Flanders
leh Cresson te chuan, “Thu chu Pathian, Amah leh Amah a inhaihawnna hmanrua a
ni” an ti a ni [11]. chang 14-na thu chuan he Pathian ngaihtuahna thu-
Thu tisaa lo lang hi Pa Fapa mal neihchhun ropuina nei a ti a, chang 18-na thu
chuan “Fapa chuan Pa chu a pholang ta a ni” a ti a ni.
Greek mite finna zirna (Philosophy) ah chuan, Logos
chuan lêi leh vân innghahna bulpui - finna leh hriatthiamna tih a kâwk a ni.
Johana hunlai hian Greek mifing thenkhatte leh Juda Pathian thu zirthiam hote
chu Greek ho ngaihdan hian a hneh hle a, a bik takin Juda mifing Alexandria
khaw mi Philo chuan Logos chu Pathian hnuaihnung deuh leh chhangdawltu, Pathian
tak atanga lo luangchhuak niin a ngai a [12]. Kristian kalsual thenkhatte’n
(Gnosticism zirtirna lo piangchhuak thar huapin) he ngaihdan hi an zirtirnaah
an la lut a, Isua chu dinhmun hnuaihnungah an dintir zui ta a. Heng
zirtirnate hi a dik lohzia lantir pahin an thu hman thin hmansak vein Johana
hian thudik tak zirtir nan a hman sak ve thung a ni. Thu (Logos) chu Pathian
aia hnuaihnung zâwk a ni lova, Pathian ngei a ni zâwk (Johana 1:1). Thu chu
Pathian hnen atanga lo luangchhuak a ni lova, Pathianah chuan a tir atangin a
awm reng zâwk a ni (Johana 1:1-2). Isua Krista, Pathian Fapa chu, Thu ngei chu
a ni a, tisaa lo lang Pathian ngei chu a ni. Chang khatna thua mi “Hnenah” tih
hi Greek tawng “Pros” a ni a. Hebrai 2:17 thu leh 5:1 thu leh, Johana 1:1
thu a mi “bet tlat” tih nen thuhmun chiah a ni a, chutichuan “Thu chu Pathian
hnenah a bet tlat a, Thu chu Pathian chu a ni” tiin a lehlin theih bawk a ni.
MIHRING NUN A HMAN
TIRH ATANG KHAN ISUA CHU PATHIAN A NI NGHAL
Pathian chu Isua
Kristaah tisain a lo lang a, a nun eng hunah tak khan nge Fapaah chuan Pathian
a lo chen tan? Bible chuan chiang tâwk takin Isuan mihring nun a hman \an veleh
Pathian famkimna chu Amahah a intan ve nghal tih a sawi a ni.
1. Matthaia 1:23 thu
chuan heti hian a sawi a: “Ngai teh, nula thianghlim a rai ang a, Fapa a hring
ang a, A hmingah chuan Emmanuela an sa ang” ti a a sawi kha a lo thlen theihna
tûrin chûng zawng zawng chu a lo thleng ta a ni. Emmanuela chu “Kan hnena
Pathian awm” tihna a ni. A pian hlim atang khan “Kan hnena Pathian awm” a ni
daih tawh a ni.
2. A pian hlimah
Vântirhkohte pawhin chibai an bûk a ni (Hebrai 1:6). Simeona khan nausen a nih
lai khan Krista chu a ni tih a hre daih tawh bawk a (Luka 2:26), Anna
khan nausen a nih lai khan Israelte tlantu a ni tih a hmu bawk a (Luka
2:38), Mifingte pawh khan nausen chu chibai an rawn bûk bawk a (Matthaia 2:11).
3. Mika 5:2 thu hian
Messia chu Bethlehema a lo pian veleh khan Pathianna chu a bel nghal a,
Nazareth a a seilen phawt hnuah ni lovin, Jordan luia Baptisma a chan
atang pawh ni hek lovin.
4. Luka 1:35 thu hian
Isuan mihring nun bul a tan veleh Pathian a nih chhan a sawi a, Vântirhkoh khan
Mari hnenah “Thlarau Thianghlim chu i chungah a lo thleng ang a, chungnungbera
thiltihtheihnain a hliahkhuh ang che; chuvangin mi thianghlim lo piang tûr pawh
chu Pathian Fapa an ti ang” a ti a. Isua chu nula thianghlim lak atangin a lo
piang a, Thlarau Thianghlim paitir a ni a, “Chuvangin” tih thu ang khan Pathian
Fapa a ni. Kawng dangin han sawi leh ila, Isua hi Pathian Fapa a ni, a chhan
chu, mihring nilo, Pathian ngei chuan a paitir avangin. A ngial a ngana a Pa
chu Pathian a ni. “Pathianin khawvel a hmangaih em em a, chutichuan a Fapa mal
neihchhun a pe a” tih ziak ang khan (Johana 3:16). Hring awmzia chu pa lo ni
ta, fa hring, nunna pe, siam tih te a ni. Nula thianghlim Mari pumchhungah
Pathianin Isua chu a paitir a ni.
Isaia 7:14 thu pawh
hian nula thianghlim naupai lo piang tur chu Pathian a nih tur a lo hre lawk a.
Kawng danga sawi chuan , hmeichhe chi ah khan Pathianin a Pathianna mize chi
chu a dah a, naute lo piang tûr chuan nunna a lo nei ta a, Pathian
nungchang chu a Pa lam atangin a chhawm ta nghal bawk a. A nu Mari hnen atangin
mihring mizia leh nungchang a chhawm a, a Pa (Pathian, Josefa nilo) hnen
atangin Pathian mizia leh nungchang a chhawm bawk a. Isuan a Pa mizia chu a
than len pui zel a, a hnu hun engemaw khaihhlak laia Pathian thiltih avanga a
Pathianna lo thar ta a ni lo. Nula thianghlim hrin a nihnaah khan a Pathianna
chu a lo nei nghal vek a ni.
Mi thenkhat chuan a
Pathianna famkim chu a hun hman chhohnaah Baptisma a chan atang khan nei chauh
niin an ngai thin. Amaherawhchu nula thianghlim hrin a nihna Luka 1:35 thu ang
khan chutiang chu a ni thei si lo a ni. Pathian mizia leh mihring mizia chu
puma pai a nih lai khan a nei kawp nghal daih tawh a ni. Isuan Baptisma a chan
laia Thlarau Thianghlim thuro anga a lo chhuk tum kha Thlarau Thianghlim
Baptisma a channa a ni hauh lo a ni; Isua chuan Pathian famkimna zawng zawng
chu a lo nei sa vek tawh zawk a ni (Kolossa 2:9). Baptisma a chanlaia thil lo
awm kha chu leia rawng a bawl dawna hriakthih entirna leh Baptistu Johana’n a
Pathianna a lo hriattheihna tûra chhinchhiahna a ni (Johana 1:32-34). (Isua
baptisma chan thu hriatbelh nan Bung 8: CHANCHINTHA tih en bawk rawh).
PATHIAN PATHIANNA
THURUK
Pathian mihringa a lo
chang hi thil mak ber te zinga pakhat a ni a, Pathian chungchanga thil
hriatthiam harsa berte zing a mi a ni. “Pathian Pathianna thuruk chu hnial rual
lohvin a ropui a ni: Pathian chu tisaah a lo chang a.....” (I Timothea 3:16).
Isua chu mihring piang tawh zawng zawng leh la piang leh tûr zawng zawng nen
pawh inang lo tak a ni. Nihna mizia pahnih a nei a, Pathian famkim a ni a,
mihring famkim a ni bawk a. (Bung 5: PATHIAN FAPA tih en la). He thurûk mak tak
a\ang hian Pathian Pathianna chungchanga zawhna mi rilruah a lo piang a ni.
Krista mizia pahnih inkawp hi mite’n an hrethiam thei lova, a hnathawh
dan kawng hnih kal kawp chu an thliar hrang thiam thei lo. Pathian meuh
nausenah a lo chang a, mihringte anga cheng ve ta chu an hrethiam phâk lo a ni.
Mari chhul chhunga
Pathian leh mihring lo inbelhbawm dan, pai puitlin a lo nih dan mak tak
chu kan hrefiah vek thei lo tih chu a dik ngei mai a, mahsela rinnain kan pawm
thlap thei a ni. Isua chu tisain a lo kal tih kan ring lo a nih chuan, Krista
dodaltu thlarau chu kan chang tihna a ni dawn a ni (II Johana 7); mahse Krista
lo kal dan hi kan pawm chuan Pa leh Fapa chu kan nei nghal tihna a ni (II
Johana 9). Pa leh Fapa chu Krista tihlan an ni (Johana 10:30; 14:6-11).
Pathian tisaa a lo
channa thurûk hi Judate tan chuan tlûkna leh daltu lian tak a ni. Isua hi
mihring ni chung si a, Pathian a nih bawk theih dan chu an hrethiam thei lo a
ni (Johana 10:30). Pathianah a inchhal a, an hnawl a, tihhlum an tum \hin a
(Johana 5:18; 10:33).
Vawiin thleng hian
Juda mi tam takte chuan Isua hi Pathianah an la pawm thei lo. Juda kulmûk
Puithiam (Rabbi) nen kan inkawm \umin Pathianah a pawm theih ngai loh thu min
hrilh a [13], Pathian chu hmun tina awm a ni a, Hmuhtheihloh Thlarâu a ni bawk
a, mihring hmuhtheih a ni lova, tisaa hmuh theih a ni lo a ti tlat mai a. A
thil ngaihtuah dan chuan Isua lenlai nia Judate rilru tûr min hriatchhuahtir
nasa hle mai. He puithiam ang hian Pathian thiltih dan tûr an suangtuah sa
hmangin Pathian chu ramri khamsak an tum tlat \hin a. Chubakah Thuthlung
Hluia Pathian lehkhathuin Messiah in Pathian anna a neih tûrzia a sawi hriatna fumfe
an nei lo a ni.
Tawp chin neilo
Pathian chu tisaa a awm theih dan mihring tan hriatfiah har hle mahse Pathian
thuin tisaa a awm theih thu a puang tlat a ni. Genesis bung 18 thu a Abrahama
hnena mihring anga Pathian a lo lan thu kha Rabbi hnenah chuan kan sawi a, hei
hi atan thil hriatthiam harsa tak a nih thu a sawi a, tawng taksa nei mai
(Anthropomorphism) anga hrilhfiah a tum talh mai a. Messia chu Pathian Jehova
ngei a nih tûr zia hriattir tumin Bible chang dang kan sawi chhuak leh zel a:
Isaia 7:14; 9:6; Jeremia 23:6 leh Mika 5:2 thu te hi. Heng thu te hi tan chhan
a nei ta lova, a sawi ber chu heng Pathian lehkhathu te hi lehlin dik lo a ni
mai thei tiin lo zirchian lehzual zâwk a intiam ta bawk a.
Pathiana “mi nung
hrang te” erawh chu thuruk (Mystery) tia sawi an ni ve ngai lova, Bible hian
Pathian chu Pakhat chauh a nihzia chiang takin a sawi a, hei hi chu mi zawng
zawng tan hriatthiam a awlsam hle a ni. Pathian Pathianna a thurûk (Mystery)
awmchhun chu: Pathian tisaa a lo chang hi a ni a, Isua chu Pathian leh mihring
a ni kawp thei hi a ni. He thurûk (Mystery) thudik hi amah ringtute hnenah
chuan a hriatfiahtir si a ni. Isua Krista nihna thurûk hi khawvel awm tantirh
atanga thup tlat a ni a, Thuthlung Thar hunah hian puanchhuah a ni ta chauh a
ni (Rom 16:25-26; Kolossa 1:25-27). Thuthlung Thar huna thurûk chu, Thuthlung
Hlui huna hriatthiam phak loh, Pathian remruatna, kan hnena hriattir a lo ni ta
hi a ni. “Khatia thurûk(Mystery) chu hriattirnaa hriattira kan lo awm kha;
hmana tawitea ka ziak ang thu kha. Kha mi avang khan in chhiarin Krista thurûk
ka hriatzia hi in hre thei ang. Chu chu tunlaia a tirhkoh thianghlimte leh a
zawlnei thianghlimte hnenah Thlarau hriattirin a awm ta ang hian, tun hma lam
khan mihring fate hnenah hriattirin a awm ngai lo” (Ephesi 3:3-5).
Pathian leh Pa, chu chu Krista, thurûk chu kan hre
thei a ni (Kolossa 2:2. NIV leh Amplified Bible en tel bawk la). Isua Kristaah
chuan finna zawng zawng leh hriatna zawng zawng leh Pathian Pathianna famkim
chu an awm kim vek a ni tiin he thuruk (Mystery) hi Paula’n a hrilhfiah a ni
(Kolossa 2:2, 3, 9). Pathian thuruk lailangtu chu Pathian Thlarâu chu a ni (I
Korinth 2:7-10). Pathian anpui (Image) Krista enna chuan kan thinlung thim a
chhun eng a ni (II Korinth 4:3-4). Tichuan Pathian Pathianna (God Head) hi
Bible-in thuruk a tih chu a ni lova, Pathiana minung hrang hrang awmte phei chu
thurûk (Mystery) a ni lo lehzual. Thuruk (Mystery) chu Krista, kan hnena
inhriattir hi a ni. Israelte Pathian pakhat tisaa he khawvela a lo kalna hi
thuruk (Mystery) chu a ni mai a ni.Tunah zawng thurûk chu laihlan a ni ta a,
Pathian thu pawhin kan hnenah hriattirin a awm tawh tih a puang bawk a ni.
ISUA HI CHATUAN PA CHU
A NI
Pathian chu pakhat
chauh a awm a, Pathian chu Pa a nih bawk si a, Isua chu Pathian a nih bawk si
chuan, Isua chu Pa a ni lo thei lo a ni. Mi thenkhat, Isua hi Pathian a ni tih
ring an awm a, Pa a nih erawh chu an ring lova, chutiang mite tan chuan Isua hi
Pa a ni ngei tih Bible thu hmangin kan sawi belh leh dawn a ni. Hei hian Isua
hi Pathian a ni tih a sawifiah belh bawk ang. Hemi sawifiah nan hian Bible
chang pahnih chauh pawh a tâwk thei awm e.
1. Isaia 9:6 thu chuan
Fapa chu chatuan Pa a ni a ti a. Fapa lo piang tura hrilhlawk chu Isua ngei hi
a ni si a; chubakah Pa chu pakhat chauh a awm bawk si a, chuvangin Isua chu Pa
a ni a, Pathian a ni. (Malakia 2:10; Ephesi 4:6).
2. Kolossa 2:9 thu
chuan Isuaah chuan Pathian Pathianna chu a famkimin a awm tih a puang a ni.
Pathian Pathianna chuan Pa a nihna pawh a huap tel vek a, chuvangin Isuaah
chuan Pa chu a awm tih a chiang hle bawk.
3. Bible chang pahnih
kan tarlan tâk te bakah khian Amah Isua ngeiin Pa chu a ni tih min zirtir a ni.
Tum khat chu Isuan Pa chanchin a sawi laiin Pharisaite’n, “I pa chu khawiah
nge?” tiin an zawt a. Isuan a chhang a, “Nang nin kei min hre lo, ka Pa pawh in
hre lo: Kei min hria ni ula chuan Ka Pa pawh in hre tawh a ni mai tur a” tiin a
chhang a. (Johana 8:19). Isuan a sawi chhunzawm zel a “Chuvangin an hnenah ‘In
sual nei reng chungin in thi ang’, ka tih kha, Ani chu ka ni (Awma ka ni,
Amah chu ka ni= I AM HE) tih in awih loh chuan in sual nei reng chungin in thi
mawlh ang” a ti a (Johana 8:24).
Atira Greek Bible-ah
chuan, “Ani (He)” tih hi a awm lova, letlingtuten a thu tihfiah nana an hman
belh a ni. Isua khan Exodus 3:14 thu ami AWMA KA NI titu kha amah ngei hi a ni
tih a in hriatfiahtir a ni. A thusawi awmzia hrefiah thei lo Judate’n, “Tunge
maw I nih le?” an ti a. Isuan a chhang a, “Atira in hnena ka sawi \hin kha” a
ti a (Johana 8:25). “Pa chanchin a sawi tih an hre lo” (Johana 8:27). AWMA a
nih thu leh Pa anih thu hi Isuan hrilhfiah a tum tlat a, chu chu an pawm theih
loh chuan an sual nei reng chungin an thi dawn a ni.
4. “Kei leh Pa chu
pumkhat (One) kan ni” tiiin Isuan a sawi bawk a (Johana 10:30). Mi
thenkhatte’n, “Pa kiang emaw bul emaw a awm anga sawi an tum thin a, nupui leh
pasal pawh pumkhat (One) an ni a, mi pahnih inlungrual pawh pumkhat (One) an ni
thei tho bawk a, chutiang ang tho chuan Isua leh pa hi pumkhat (One) an ni” an
ti thin. He hrilhfiah dan hian Isua sawi tum tak chu a thiahsak a ni. Pathian
lehkhathu tam tak chuan Isua chu mihring a nihnaah chuan Fapa a ni a, chu chauh
chu a ni lova, a Pathianna lamah ve thung chuan Pa a ni tlat thung a ni.
5. Entirnan, Johana
12:45 ah chuan Isuan, “Tupawh kei min hmufiah chuan min tirtu a hmufiah nghal a
ni” a ti a ni. Mi tupawhin Isua chu Pathian a nihna a hmuhsak chuan Pa chu a
hmu nghal a ni.
6. Johana 14:7 thu-ah
chuan Isuan a zirtirte hnenah, “Kei hi min hria ni ula ka Pa in hre tawh a ni mai
tur a; tun a chinah amah in hria e, amah in hmu tawh bawk” a ti a. He thu an
han hriat hian Philipa’n, “Lalpa Pa chu keini min hmuhtir ta che, chutichuan
kan tan a tâwk ang” tiin a ngen nawn leh a (Johana 14:8). Kawng dangin han sawi
leh ila, Isuan Pa chu a kawhhmuh chuan an lungawi tawh dawn a ni. Isua chhanna
chu hei hi a ni:
“Philip, hei leh chen
hi in hnenah ka awm tawh a, chuti pawhin min hrefiah lo maw? Tupawh mi hmu
chu Pa hmu a ni. ‘Pa keini mi hmuhtir rawh’, eng ti tiha i ti nge ni? Kei Paa
ka awm leh Pa keimaha a awm tih in awih lovem ni? In hnena ka thusawi hi
keima phuahchawpin ka sawi lo; Pa
keimahah a awm reng a, a thil a ti zawk \hin a ni. Kei Paa ka awm leh Pa
keimahah a awm tih mi ring rawh u; a nih loh leh, thiltih avang tal
hian mi ring rawh u”,
tiin (Johana
14:9-11). He thu hi mi pahnih inlungrual avanga pumkhat (one) anga ngaih theih
mai ang a ni hauh lova, chumi piah lama mi thuhmun, (one) mi pakhat, pumkhat
sawina a ni zawk e; Krista’n tîsaa lo chang Pa ngei a nihzia thu a sawina
chu eng thil dang mah a kâwk thei lo. Tunlaia mi tam tak te ang mai hian,
Philipa hian Pa chu hmuh theih loh Thlarau, mihringin amah a hmuhtheihna kawng
awmchhun chu mihring Isua Kristaah chauh hian a ni tih a hrethiam lo a ni.
7. Isuan, “Pa chu
keimahah hian a awm a, Amahah chuan ka awm bawk” a ti a ni (Johana 10:38).
8. Isuan sual hnehtu
apiangte tan Pa nih a intiam a ni (Thupuan 21:6-7).
9. Johana 14:18 ah
chuan heti hian a sawi a: “Fahrahin ka kalsan lovang che u: In hnenah ka lo kal
leh ang” tiin. “Fahrah” tia lehlin hi Greek tawngah chuan “Orphanos” tih a ni
a, chu chu Strong’s Exhaustive Concordance lehkhabu chuan “Lakbo sak, fahrah,
Pa neilo” tiin a hrilhfiah a. Tichuan Isua thusawi chu, “Fahrahin ka kalsan
lovang che u” tih emaw, “Pa nei lovin ka kalsan lovang che u” tihna a ni. Pa a
nihnain Isuan thu a sawi a, A zirtirte chu Pa nei lovin a kalsan dawn lo tih a
intiam a ni.
Isua hi Pa chu a
nihzia tilang turin thu khaikhin tur awmte han sawi belh leh ta ila.
10. Isuan ni thum
chhungin mitthi zing ata a taksa chu Amah ngeiin a kaitho leh dawn a ni tih a
hrilhlâwk a (Johana 2:19-21). Chutihlai chuan Peteran Isua chu Pathianin mitthi
zing ata a kaitho tih a sawi bawk a (Tirhkohte 2:24).
11. Isuan Thlamuantu
(Thlarau Thianghlim) a rawn tirh dawn thu a sawi a (Johana 16:7). Chutih lai
chuan Pain Thlamuantu a rawn tir dawn tih a sawi tho bawk a (Johana 14:26).
12. Pa chauh chuan
Amah Pa hnenah mihringte a hip hnai thei tih Isuan a sawi a (Johana 6:44).
Chutih lai chuan mi zawng zawng a hip hnaih tûr thu Isuan a insawi tho
bawk a ni (Johana 12:32).
13. Nikin niah
ringtute zawng zawng chu Isuan a kaitho dawn a (Johana 6:40), chutih lai chuan
Pa Pathianin mitthite chu a tinung leh ang a, a kaitho dawn a ni (Rom 4:27; I
korinth 6:14).
14. Isuan ringtute
\awng\aina chu a chhan tûr thu a sawi a (Johana 14:14), chutih lai chuan Pain
\awng\aina a chhan tûr thu a sawi tho bawk a ni (Johana 16:23).
15. Krista chu mi ti
thianghlimtu a ni a (Ephesi 5:26), Chutih lai chuan Pain a ti thianghlim \hin a
(Juda 1).
16. I Johana 3:1, 5
thuah chuan Pain min hmangaih a, kan sualte la bo tûrin a lo lang a, chutih lai
chuan Krista chu sualte la bo tûrin a lo lang tih kan hre bawk a (Johana 1:
29-31).
Isuan mize pahnih a
nei tih kan hriat chuan heng thu zawng zawng hi awlsam tein kan hrethiam thei
ta mai a ni. Tisa leh Thlarâu a ni a, Pathian leh mihring a ni bawk a. Mihrinna
lamah chuan Mihring Fapa a ni a, A Pathianna lamah chuan Pathian Fapa a ni bawk
a, tisaa lo lang Pa a ni bawk a. (Fapa chanchin hriat belh nan Bung 5: PATHIAN
FAPA tih en la, Pa, Fapa, Thlarau Thianghlim tih hriatbelh nan Bung 6: PA,
FAPA, THLARAU THIANGHLIM tih en bawk la).
ISUA HI JEHOVA A NI
Isua hi Pa a nihzia
finfiahna tûra Pathian lehkha thu kan han tarlan tâkte khan Isua hi Pathian
pakhat chauh chu a ni tih kan finfiahna tûr a tibo chuang lova, Thuthlung Hluia
Pathian pakhat chauh kha Isua Jehova hi a ni tih tilang fiah tûrin Pathian
lehkhathu sawm leh pahnih kan han tarlang dawn a ni.
1. Isaia 40:3 thu
chuan Thlalera mi au rawl chuan, “LALPA (Jehova) lamlian sial ula” a ti a, he
hrilhlawkna thu hi Baptistu Johana khan a rawn ti dik ta a ni tih Matthaia 3:3
thu hian a sawi a ni. Johana hian LALPA Isua Krista tan kawng chu a buatsaih
sak tih kan hria. Hetah hian LALPA (Jehova) hi Isua sawi nan hian a hmang a ni.
Jehova hi Pathian pakhat hming zahawm tak a nih avangin Israelte mi
thianghlima atan chauh lo chuan mi dang sawi nan Bible hian a hmang ngai lo.
2. Malakia 3:1 thu
chuan, “In zawn LALPA (Jehova) chu a Biak Inah a lo kal phawt ang; Ngaiteh u,
Thuthlung Tirhkoh in lawm em em chu a lo kal e” tiin a sawi a. Kuta sak Biak In
emaw a taksa Biak In emaw a sawi a nih pawhin he thu hi Isuan a rawn ti famkim
ta hrim hrim a ni.
3. Jeremia 23:5-6 thu
hian Davida a\anga zar a lo chhuah tûr a sawi a- hei hi Messia (Isua) sawina a
ni ngei mai a- A hming chu “LALPA chu kan felna (Jehovah Tsidkenu)” tih a ni.
Kawng danga kan sawi chuan “LALPA (Jehova) chu kan felna” tih hi “Isua chu kan
felna” tihna a ni.
4. Isaia’n Jehova
chanchin sawiin, “Ama ban ngei chuan Chhandamna chu a insiam a” (Isaia 59:16);
“A ban chuan a aiah ro a rel ang” tiin (Isaia 40:10). Isaia 53:1-2 thu chuan
Messia (Isua) ngei hi LALPA (Jehova) ban lo lang chu a ni tih a sawi a. Tichuan
Isua hi Pathian dang ni lovin Khawvel chhandamna tûra Jehova mihring tîsa taksa
chu a ni.
5. Isaia chuan, “LALPA
(Jehova) ropuina chu tihlan a ni ang a, mi zawng zawngin chu chu an hmu tlang
dial dial ang” a ti a (Isaia 40:4). Jehova chuan a ropuina chu tu hnenah mah a
pek loh tur thu a sawi bawk a (Isaia 42:8; 48:11). Chuti a nih chuan he
hrilhlawkna hi amah ngei a in tihlan chauhvin a thleng dik thei tihna a ni. Pa
ropuina chu Isuan a nei tih Thuthlung Tharah kan hria a (Johana 1:14; 17:5).
Ropuina Lalpa a ni (I Korinth 2:8). Isua chu a lo kal leh hunah pawh Pa ropuinaa
inthuamin a lo kal dawn a ni (Matthaia 16:27; Marka 8:38). Tichuan Jehova
ropuina chu Isuan a nei ta vek a, chuvangin Isua hi Jehova chu a ni.
6. Jehovan heti hian a
sawi a, “Chuvangin ka mite chuan ka hming an hria ang; chuvangin chumi
niah chuan a sawitu chu ka ni tih an hria ang; ngaiteh u, Keimah hi ka ni” tiin
(Isaia 52:6). Isua hi Pa chanchin sawitu a ni a, Pa hming tilangtu a ni a, Pa
hming hriattirtu a ni bawk a (Johana 1:18; 17:6; 17:26). Isuan LALPA (Jehova)
hming chu a tilang a (Sam 22:22; Hebrai 2:12). Chutichuan Isua hi Jehova ngei a
ni.
7. LALPA (Jehova)
chuan, “Khup tinreng chu ka hmaah an \hing\hi tawh ang a, Lei tinreng pawhin ka
hnenah chhechhamin thu a tiam tawh ang” a ti a (Isaia 45:23). Hemi thu hi la
chhuakin Paula’n mi zawng zawng Krista rorelna hmaa ding tûr an nih thu a sawi
a (Rom 14:10-11). Paula vekin, “Mitin Isua hmaah an \hing\hi dawn a ni” a ti
bawk a (Philippi 2:10).
8. Zakaria hian Isua
Krista chu Jehova a ni tih fiahna \ha tak mai a sawi a. Zakaria 11:12-13 thuah
chuan heti hian kan hmu a, “Tin, an hnenah chuan, =ha in tih chuan ka hlawh chu
min pe ula, in tih loh chuan min pe suh u, ka ti a; chutichuan ka hlawh atan
cheng sawmthum an buk chhuak ta a. Tin, LALPA (Jehova) chuan ka hnenah, ka man
atana \ha awm tawk an chhiar chu belvawtu hnen pe mai rawh, a ti a. Tin, cheng
sawmthum chu ka la a, LALPA (Jehova) inah chuan, belvawtu hnenah chuan ka pe ta
mai a ni” tiin.
Zakaria 12:10 thuah
chuan Jehova’n heti hian a sawi bawk a, “Tin, an chhuna chu min la rawn en ang”
tiin. Isua hi cheng sawmthuma an hralha chu a ni a, an chhuna chu a ni bawk a
(Matthaia 26:14-16; Johana 19:34).
Zakaria 12:8 thu ah
chuan, “Davida chhungte chu Pathian ang an lo ni ang a “ tih kan hmu bawk a,
hei hi Messiah tlawhchhanin a sawi a ni. Zakaria 14:3-5 thuah chuan , “Tin,
LALPA (Jehova) ka Pathian chu a lo kal ang a, A mi thianghlim zawng zawngte
pawh i rualin an lo kal ang” tiin hnamte a do tûr thu leh Olive tlanga a ke a
rawn nghah tûr thu kan hmu a. Isua hi a lo kal leh hunah chuan Olive tlangah a
ke a rawn nghat dawn a ni tih kan hria a, Lalte Lal ang leh hotute Lalpa angin
hnamte chu a rawn do bawk dawn a ni (Tirhkohte 1:9-12; I Timothea 6:14-16;
Thupuan 19:11-16).
9. Paula, Juda
lehkhathiam, Pharisai chungchuang, Kristiante tiduhdahtu kha Damasca khaw
kalkawngah mitdel khawpa engin Pathianin a chhun thlu a, “Lalpa tunge i
nih?” tiin a zawt a. Juda a nih avangin Lalpa Pathian pakhat chauh a awm tih a
hresa vek a, “Jehovah tunge i nih?” tiin a au chhuak ta a, Lalpa (Jehova)
chuan, “Isua ka ni” tiin a rawn chhang a nih kha.
10. Mosia khan Pathian
Jehova chu a be \hin ngei tak a, Hebrai 11:26 thu chuan Aigupta ram hausakna ro
zawng zawng aiin Krista an hmuhsitna chu Mosia chuan hausakna ropui zawkah a
ngai a ni tih thu a sawi a, Mosia Pathian chu Isua Krista hi a lo ni daih tawh
a ni.
11. Sam 68:18 thu
chuan Jehova chu chunglama a chhoh thu leh a man te chu sala a hruai thu a sawi
a, chutih lai chuan chunglama han chhova, a man te chu sala hruaitu chu Isua a
ni tih kan hria. Eph 4:7-10 thu hian Isua chanchin hrilhlawkna a ni tih a
tilang a ni.
Isua hi Pathian Jehova
chu a ni ngei a ni tih sawina Pathian thu dang tam tak a la awm cheu bawk a. A
hnuaiah hian, Bible chang inkawp Jehova sawifiahna leh Isua sawifiahna ni bawk
kan ziak tlar dawn a ni. Heng Pathian thute hian Isua hi Jehova a nih ngeizia a
tilang fiah a ni.
ISUA HI JEHOVA A NI (1)
1. Jehova chu
Engkimtithei a ni
Genesis 17:1
Isua pawh Engkimtithei a ni
Thupuan 1:8
2. Jehova chu
AWMA a ni a Exodus 3:14-16
Isua pawh AWMA a ni.
Johana
8:24, 58
3. Jehova chu
LUNGPUI a ni a
Sam 18:2; 28:1
Isua pawh
LUNGPUI a ni I Korinth 10:4
4. Jehova chu
Chhandamna Ki a ni a Sam 18:2
Isua pawh Chhandamna Ki a ni.
Luka 1:69
5. Jehova chu
Beram vengtu a ni a Sam 23:1; Isaia 40:10-11
Isua pawh Beram vengtu tha, Beram vengtu Ropui,
Hebrai 13:20; I Petera 5:4
Beram vengtu Lalber a ni.
6. Jehova chu
Ropuina Lal a ni a, Sam 24:7-10
Isua pawh Ropuina Lal a ni.
I Korinth 2:8
7. Jehova chu
Eng a ni a, Sam 27:1; Isaia 60:19
Isua pawh Eng a ni. Johana 1:4-9, 8:12; Thupuan
21:23
8. Jehova chu
Chhandamna a ni a,
Sam 27:1;
Isaia 60:19
Isua pawh Chhandamna awmchhun a ni. Tirhkohte
4:10-12
9. Jehova chu
lalpate Lalpa a ni a, Sam 136:3
Isua pawh lalpate Lalpa a ni bawk.
Thupuan 19:16
10. Jehova chu Mi
Thianghlim a ni a, Isaia 12:6
Isua pawh Mi Thianghlim a ni. Tirhkohte 2:27
11. Jehova chu Dan min
petu a ni a, Isaia 33:22 Isua pawh
Thuthlung Thar min petu a ni.
Hebrai 9:14-17
12. Jehova chu Roreltu
a ni a,
Isaia 33:22
Isua pawh Roreltu a ni.
Mika 5:1; Tirhkohte 10:42
13. Jehova chu
hmasabera leh Hnuhnungbera a ni a,
Isaia 41:4, 44:6, 48:12
Isua pawh Alpha leh Omega, a Bul leh a tawp,
Thupuan
1:8, 22:13
Hmasabera leh Hnuhnungbera a ni.
14. Jehova chu
Chhandamtu awmchhun a ni a,
Isaia
43:11, 45:21, 60:16
Isua pawh Chhandamtu a ni.
Tita 2:13, 3:6
15. Jehova chu Thlarau
lam in tur petu a ni a,
Isaia 44:3, 55:1
Isua pawh Tuinung lui petu a ni.
Johana 4:10-14, 7:38-39
16. Jehova chu Israel
Lal a ni a,
Isaia 44:6
Isua pawh Israel Lal, Lalte lal a ni. Johana
1:49; Thupuan 19:16
17. Jehova chu Engkim
Siamtu awmchhun a ni a, Isaia 44:24,
45:8, 48:13 Isua pawh Engkim Siamtu a ni.
Johana 1:3; Kolossa 1:16
18. Jehova chu Pathian
fel awmchhun a ni a,
Isaia 45:21
Isua pawh Mifel a ni. Tirhkohte 7:52 19. Jehova chu Tlantu a ni a,
Isaia 54:5, 60:16
Isua pawh Tlantu a ni. Galatia 3:13;
Thupuan 5:9
ISUA HI JEHOVA A NI (II)
HMING ISUA CHU KAN
TAN BIBLE CHANG
1. Jehova-Jire
(Petu) Petu (Inthawina) a ni. Hebrai 10:10-12
2.
Jehova-Rapha(Tidamtu) Tidamtu a ni. Jakoba 5:14-15
3. Jehova-Nissi
(Hnehna) Hnehtu a ni. I Korinth 15:57
4.
Jehova-M’Kaddesh(Tithianghlimtu)Tithianghlimtu a ni. Ephesi 5:26
5.
Jehova-Shalom (Remna) Remna a ni. Johana 14:27
6. Jehova-Sabaoth
(Sipaihote Lalpa) Sipaihote Lalpa a ni. Jakoba 5:4-7.
7. Jehova-Elyon
(Chungnungber) Chungnungber a ni. Luka 1:32,76, 78
8. Jehova-Raah
(Beram Vengtu) Beram Vengtu a ni. Johana 10:11
9.
Jehova-Hoseenu (Siamtu) Siamtu a ni. Johana 1:3
10. Jehova-Tsikenu
(Felna) Felna a ni. I Korinth 1:30
11. Jehova-Shammath
(Awm) A awm reng a ni. Matthaia 28:20
Kan han tarlan tâk te
khi thil chuangtlai a ni lova, Isua hi Jehova a ni ngei tih tilang chiang
lehzualtu a ni. Jehova chu pakhat chauh a awm si a (Deuteronomy 6:4), hemi
awmzia chu Thuthlung Hluia Pathian pakhat chauh awm thina kha Isua hi a ni.
ISUA CHU PATHIANAH A
INCHHAL TIH JUDATE’N AN HRIA
Judate chuan Pathian
tisaa a lo chan theih dan chu an hrethiam thei lova, Isua’n Amah chu Pa a nih
thu a hrilh \um khan an hrethiam thei ngang lo a ni (Johana 8:19-27).
Pathianah a inchhal tih erawh chu an hre fo tawh a. Sabbath ni a Isua’n damlo a
tihdam khan A Pa tihdamah a chhal a, Judate chuan tihhlum an tum ta a- Sabbath
a bawhchhiat avang chauh pawh ni lovin, Pathian chu ama Paah a chhal avang leh
Pathian tluka a insiam avangin tihhlum an tum a ni (Johana 5:17-18).
Tum khat chu Isua’n,
“Abrahama kha ka ni hmu tur a nih avangin a hlim em em \hin a, tin, a hmu ngei
a, a lawm hle a” a ti a. Judate’n, “Abrahama i hmu em ni?” an ti a. Isuan a
chhang a, “Abrahama awm hma pawhin ka awm” a ti a. Chu veleh Judate’n, “AWMA KA
NI” titu kha “Keimah hi ka ni” a tihna a ni tih an hrethiam ta a, Jehova’n Amah
a inpuanna hming kha a ni si a, tichuan lung an chhar a, (an ngaihdanin)
Pathian a tihhmingchhiat avangin denhlum an tum ta a (Exodus 3:14, Johana
8:56-59).
Isua’n, “Kei leh ka Pa
chu pumkhat kan ni” a ti a, Judate’n Pathian a sawichhiat avangin denhlum an
tum leh ta a, mihring ni siin Pa Pathianah Amah chu a inchhal avangin (Johana
10:30-33). Amahah chuan Pa chu awma a sawi avang leh Pa chu Amah ni nghala a
insawi avangin tihhlum an tum tlat a ni (Johana 10:38-39).
Mi pakhat zeng a
tihdam khan Isua’n sual zawng zawng a ngaihdamsak a, Judate chuan Pathian chauh
chu sual ngaidam theitu a ni tih an hre si a, Isua chu sual ngaidam thei
Pathian a ni tih an hre si lova, sual a ngaihdam sak si avangin Pathian a
sawichhiaah an ngai tlat a (Isaia 43:25). Isuan an ngaihtuahna a hriatsak a,
zeng a tidam a, Pathian a nihzia a lantir a, Pathian thiltihtheihna a hmang a
(Luka 5:20-26).
Judate hian Pathian
pakhat chauh an ring a, chu Pathian chauh chuan sual a ngaidam thei tih
an ring bawk a, an rinna hi a dik a ni. Chu Pathian pakhat chauh chu (Pa leh
Jehova chu) Isua hian niin a insawi a ni tih hi Judate hian an hria a ni.
Isua’n ni a a inchhal an rinsak duh lo erawh hi chu an tisual ta a ni.
Lalpa’n a Pathianna a
puanna hi mi \henkhatte’n tunlai thleng hian an la hnawl a, a mak a ni. a
thusawi awmzia lah an hre thei hek lo. Isua dodaltu Judate’n Isua’n Pa,
Pathian, Jehova niah a inchhal tih an hriatsak a; nimahsela tunlai thleng pawh
hian Pathian thuin chiang taka a sawi pawh mite’n an hmu thei si lo.
LALTHUTHLENGA THU CHU
ISUA CHAUH HI A NI
Vanah Lal\huthleng
pakhat chauh a awm a, chutah chuan mi pakhat a \hu a. Thupuan 4:2 ah chuan
Johana’n heti hian a sawi a: “Tin, Chawplehchilhin Thlarauvin ka lo awm ta
nghal a; tin, ngaiteh, Vanah lal\hutphah a lo inhung a, chumi \hutphahah chuan
mi pakhat a lo \hu bawk a” tiin. Lal\hutthlenga \hu hi hnial rual lohvin
Pathian a ni tih a chiang a, a chhan chu Lal\hutthleng hual vela awm thilnung
palite chuan heti hian an sawi a:
“Lalpa Pathian,
Engkimtitheia,
Awmtawha leh Awmmeka
leh Lolaawmtûra chu,
A thianghlim e, a
thianghlim e, a thianghlim e” tiin (Thupuan 4:8).
Hemi thu hi Thupuan
1:5-18 thu nen kan khaikhin chuan , Isua nihna sawifiahna leh Lal\hutthlenga mi
thu sawifiahna hi an inang a ni tih kan hre thei a ni.
“Kei Alpha leh Omega
ka ni”
Lalpa Pathian, Awmmeka
leh Awmtawha leh Lo la awmtûra,
Engkimtitheia chuan a
ti a ni” (Thupuan 1:8).
Chang 5-7 thu hian
chang 8-na thu hi Isua ngei a ni tih a tichiang a ni. Tin, Chang 11-18 thu chu
Isua chanchin vek a ni bawk. Chang 11-na thuah hian Isua chuan “Alpha leh
Omega, A hmasabera leh a hnuhnungber” a ni tih a in tilang leh a. Chang 17-18
thuah hian Isuan heti hian a sawi bawk a:
“Kei Hmasabera
leh Hnuhnungbera leh
Minunga chu ka ni, ka
lo thi a,
Nimahsela ngaiteh,
Kumkhua atan
ka lo nung leh ta a
ni, Amen; Thihna leh Mitthi chahbite ka nei bawk a” tiin.
Thupuan bung hmasaber
a\ang hian Isua nihna kan hmu a: Lalpa, Engkimtitheia, Awmtawha, Awmmeka, Lo la
awmtura tih te hi. Isua chungchanga nihna leh thu hmante hi Lal\hutthlenga \hu
chungchang sawi nan hian hman a ni leh vek a, Tichuan Lal\hutthlenga \hu hi
tumah dang ni lovin Isua Krista ngei hi a ni tih a lang chiang hle.
A khaikhawm nan han
sawi belh leh ila, Thupuan 4:11 thu chuan Lal\hutthlenga mi chu Engkim siamtu a
ni a, Isua chu Engkim siamtu a ni tih kan hre bawk a (Johana 1:3; Kolossa 1:16).
Chubakah Lal\hutthlenga mi \hu chu Ropuina te, Chawimawina te, Thiltihtheihna
te hmu tlâk a ni a (Thupuan 4:11); chutih laiin Beram No talh tawh Isua chu
Thiltihtheihna te, hausakna te, finna te, chakna te, chawimawina te, ropuina
te, malsawmna te hmu tlâk a ni a (Thupuan 5:12). Thupuan 20:11-12 chuan
Lal\hutthlenga mi \hu chu Roreltu (Judge) a nih thu min hrilh a, Isua chu mi
zawng zawng tan roreltu a ni tih kan hria (Johana 5:22, 27; Rom 2:16,
14:10-11). Tichuan Thupuan bung 4 thua Lal\hutthlenga mi thu hi Isua ngei a ni
tih kan hria.
Thupuan 22:3-4 thu
hian Pathian leh Beramno lal\hutthleng chanchin a sawi a. Heng thute hian
lal\hutthleng pakhat, hmel pakhat leh hming pakhat an sawi a ni. Tichuan
Pathian leh Beramno chu mi pakhat, hmel pakhat leh hming pakhat nei
lal\hutthlenga \hu chu a ni. Pathian ni si Beramno ni bawk si chu Isua Krista
chauh hi a ni. (Daniela Bung 7 thua Hmakhawsanga chanchin sawina Bung
7:THUTHLUNG HLUI HRILHFIAHNA TE tih en la, Thupuan bung 5 thua Beramno sawina
Bung 9: THUTHLUNG THAR HRILHFIAHNATE: TIRHKOHTE THILTIH ATANGA THUPUAN tih en
bawk la). A tawi zawnga kan sawi chuan, Vana kan kal hunah Isua chauh
Lal\hutthlenga \hu ka hmu dawn tih Thupuan Bu hian min hrilh a ni. Van rama
Pathian kan hmuh theih tur awmchhun chu Isua chauh hi a ni e.
ISUA KRISTA NIHNA
PUANCHHUAHNA
Thupuan buah hian Isua
Pathianna, thu thiltithei tam tak a awm a ni. Pathianin Johana lehkhabu a
ziahtir nachhan hi hun lo la awm tûrte tihlan chauh ni lovin Isua Krista nihna
khuhhawnna emaw puanchhuahna emaw hi a tum tel bawk a ni. A dik a dik chuan
Johana thil ziakte hian Pathian pakhat chauh a nihna thu te, Krista nihna
pahnih te a sawi uar em em a ni. Johana hian Chanchin Tha Johana a ziak bawk a,
chutah chuan Isua hi Krista a ni tih kan rin theihna tur te, Pathian Fapa
a nih thu te a ziak a (Johana 20:31). Isua hi Pathian Fapaa kan pawm a nih
chuan Amah chu Pathian atan kan pawm tihna a ni a, “Pathian Fapa” tih awmzia
chu “Tisaa lo chang Pathian” tihna mai a nih avangin. (Bung 5: PATHIAN FAPA tih
en belh la). Johana hian Isua chu Pathian a ni tih thu a sawi kim vek a. Johana
lehkhaziakte hian Isua Pathianna a chawisang a, Thupuan Bu pawh hi chung zinga
mi chu a ni.
Thupuan 1:1 thu hian
Thupuan Bu hi Isua Krista thupuan chhuah Bu a ni tih a sawi a. Thupuan tih hi
Greek \awng chuan ‘Apokalupsis’ a ni a, he thu a\ang hian ‘Apocalypse’ tih hi a
lo piang a. A awmze ngial ngan chu “Khuh hawng” emaw “Khuhna Hlip” tihna a ni.
He lehkhabu hi thil lo thleng tûrte hrilhlawkna a ni ngei mai a, he hrilhlawkna
a \ulna chhan chu Isua Krista nihna hailan a, tunge a nih tih tihlan a ni.
Bible zirtu tak tak chuan he lehkhabu hrilhlawkna thlen dik dan a chhui ang a,
chu aia pawimawh zawk chu hrilhlawkna chhan hriat a ni ang a, hmalam huna Isua
Krista inpuan \hin dan hriatthiam zel a tum tûr a ni ang.
Thupuan Bu hian Isua
chu a mihrinna leh a Pathianna a sawi ve ve a ni. Kan sualte avangin Beramno
talh tawh a ni a, chutih lai chuan Lal\hutthlenga thu Pathian Engkimtitheia a
ni bawk a. He lehkhabuin Krista a sawidan hian kan ziak tlar dawn a ni.
THUPUAN BU-A ISUA NIHNA TE
A nihna te Thupuana a
awmna lai
1. Thuhretu rinawm a
ni. 1:5
2. Mitthi zing ata
piang hmasaber a ni. 1:5
3. Lei lalte
Rorelsaktu a ni. 1:5
4. Alpha leh Omega a
ni. 1:8, 11; 21:6; 22:13
5. A Bul leh a Tawp a
ni. 1:8; 21:6
6. Awmtawha, Awmmeka,
Lolaawmtura a ni. 1:8; 4:8
A nihna te Thupuana a
awmna lai
7. Engkimtitheia a ni.
1:8; 4:8
8. Mihring Fapa a ni.
1:13
9. A Hmasabera leh a
Hnuhnungbera a ni. 1:17; 22:13
10. Mi nunga, Thia
kumkhua atana nungleha a ni. 1:18
11. Thlarau pasarih
neitu a ni. 3:1; 5:6
12. Lalthutthlenga
thua a ni. 4:2
13. Pathian a ni.
4:8; 21:7
14. Engkim siamtu a
ni. 4:11
15. Sakeibaknei, Juda
hnam a mi a ni. 5:5
16. Davida Bulpui
(Davida Siamtu a ni). 5:5; 22:16
17. Beram No a ni. 5:6
18. Tlantu a ni.
5:9
19. Rinawma a ni.
19:11
20. Diktaka a ni.
19:13
21. Pathian Thua a ni.
19:16
22. Lalberte Lalber a
ni. 19:16
23. Lalpate Lalpa a
ni. 19:16
24. Davida thlah a ni.
22:16
25. Varparh Arsi
engtak a ni. 22:16
Heng nihna hmingte leh chanvo te hi Isua nihna tilangtu
mawi tak an ni a, Heng thu te hian Chatuan Lalpa Pathian Engkimtithei tisaa lo
chang a, thi a, tho leha hnathawh zawng zawng an tilang a ni.
Thupuan Bung hnuhnungber
hian Pathian leh Beram No chu mi pakhat angin a sawi a (Thupuan 22:3-4), tin,
zawlnei thianghlimte Lalpa Pathian chu Isua ngei hi a ni tih a sawi bawk a ni
(Thupuan 22:6, 16). Heng Bible chang te hian Isua chu Chatuan atan Pathian a
nih thu leh A mihring taksa Beramno kha ropuinaa inthuama a lo lan tûrzia leh
kumkhua a daih tûr thu mih hrilh a ni. Pathian ropuina chu Jerusalem thar tan
entu a ni ang a, Isua taksa, Ropuinaa inthuam chuan a chhun eng vek dawn a ni
(Thupuan 21:23).
Bible tlangkawmna Thupuan
Bua bung leh changte hian A ropuina zawng zawnga inthuama mitin hnena Pathian
inlantir dan tur a sawifiah a, Isua chu Chatuan Pathian a nih reng turzia amah
a inpuanchhuahna thu min hrilh a ni. Tichuan Thupuan hi Isua Krista
inpuanchhuahna lehkhabu a ni.
PATHIAN ZE BIK LEH
THUNEIHNA BIK ZAWNG ZAWNGTE CHU ISUAN A NEI KIM VEK A NI
Isua hi Pathian a ni
tih hi finfiahna chiang lehzual a la \ul cheu a nih chuan, Pathianin zia leh
thuneihna bik a neih te leh Isuan zia leh thuneihna a neih bik te hi kan khaikhin
ang a, tichuan Isua hi Pathian a ni tih a chiang lehzual thei ang. Tichuan
Pathian chauhvin a neih bik mizia chi hrang hrang leh thuneihna bik a neihte
chu Isua hian a nei vek a ni tih kan hmu dawn a ni. Mihring a nihnaah chuan
Isua chuan hmuhtheih taksa a nei a, a taksa chuan luahchin a nei bawk ngei a, a
taksa chu a chau thei a, mihring a nihnaah chuan a thiltihtheihna chu a famkim
lova, chu lo pawh chu a dang a la awm thei bawk ang. Pathian a nihnaah ve thung
chuan, Isua chu Thlarau a ni a, Rom 3:9 chuan Krista Thlarau a sawi tlat
avangin. Pathian a nihnaah chuan Isua chu Hmuntinaawm (OmniPresent) a ni tawh
\hin a, a ni leh zel bawk ang. A taksa chu leiah chauh awm mahse Johana 3:13 ah
chuan, “Mihring fapa vana awm hi” tiin Hmuntinaawm a nih thu a insawi a ni. A
taksa chu Hmuntinaawm a ni hauh lova, Thlarau a nihnaah ve thung erawh chuan
Hmuntinaawm a nih avangin, tisaa a awm lai reng khan heti hian a sawi a nih
kha; “Mi pahnih emaw pathum emaw ka hminga an awmkhawmnaah chuan an zingah ka
awm zel \hin” tiin (Matthaia 18:20). A mihring taksaah chuan Pathian a nihna
famkim a awmtir theih a, Isua Thlarau Hmuntinaawm (Omni-present) chu a taksaah
a khungkhawm vek theih lohva, ramri khamsak theih a ni lo. Mihring angin leiah
ke pena a kal lai pawhin A Thlarau chu hmun tina awm a ni reng \hin a ni.
Isua chu Engkimhria
(Omni-Scient) a ni a, mihring ngaihtuahna pawh a hre vek a ni (Marka 2:6-12).
Amah a hmuh hma pawhin Nathanaela chu a lo hre lâwk vek a (Johana
1:47-50). Engkim a hria a (Johana 21:17). Finna leh hriatna zawng zawng pawh
amahah chuan thuhrukin a awm vek a ni (Kolossa 2:3).
Isua chu Engkimtithei
(Omni-potent) a ni bawk a. Thuneihna zawng zawng a nei vek a, lalna leh
thuneihna zawng zawng lu a ni a, Engkimtithei a ni (Matthaia 28:18; Koossa
2:10; Thupuan 1:8).
Isua hi a danglam ngai
lo a ni. Pathian chu mihring tisaah lo chang mahse a danglam ngai lo. “Isua
Krista chu niminah nen, vawiinah nen, kumkhua pawhin a pangngaiin a awm fovang”
(Hebrai 13:8).
Pathian chauhvin
chibai bukna chu a dawng \hin a (Exodus 20:1-5; 34:14); tichuan Isua hian
thilsiam zawng zawngte hnen a\angin vawi tam tak chibai bukna a dawng tawh \hin
a, a dawng lehzel bawk ang (Luka 24:52; Philippi 2:10; Hebrai 1:6). Pathian
chauhvin sual a ngaidam thei a (Isaia 43:25). Tichuan Isuan sual ngaihdam
theihna thuneihna chu a nei a ni (Marka 2:5). Pathianin mihringte thlarau chu a
lo pawm a (Thuhriltu 12:7). Tichuan Isuan Stephana thlarau pawh a lo pawm a
(Tirhkohte 7:59). Pathian chu Vanram buatsaihtu a ni a (Heb 11:10), Tichuan
Isua chu Vanram buatsaihtu a ni (Johana 14:3). Tichuan Pathianin thuneihna bik
leh mizia bik a neih zawng zawng chu Isua hian a nei kim vek a ni.
Pathianin danglamna
bik a neih apiangte chu Isua hian a nei vek a. Entir nan, lêiah a awm lai khan
Pathian awmphung hlimnate, hrehawm tuar lainatnate, lungngaihnate a tilang \hin
a (Luka 10:21; Marka 6:4; Johana 11:35). Bible hian Pathian rilrua thil awm
apiangte chu Isuaah hian a awm tih a puang a ni. Pathian rilrua thil awmte Isua
rilrua awm bawk chu lo lawrkhawm ila:-
ISUAN
PATHIAN RILRU A PU
1. Hmangaihna
Ephesi
5:25
2. Enna Johana 1:3-9
3. Thianghlimna Luka
1:35
4. Ngilneihna
Hebrai 2:17
5. Zaidamna II
Korinth 10:1
6. Felna II
Timothea 4:8
7. =hatna Matthaia
19:16
8. Thatfamkimna Ephesi
4:13
9. Dikna
Tirhkohte 3:14
10. Rinawmna
Johana 19:11
11. Thutak
Johana 14:6
12. Khawngaihna
Johana 1:16-17
KHAIKHAWMNA
Bible-in Pathian nihna tur a sawi kawng engkima engkim hi Isua nihna vek
a ni. Pathian mize chungnunna bikte, thuneihna bikte, danglamna bikte zawng zawng
chu Isua hian a nei kim vek a ni. Mawl tein han sawi ila, kawng engkimah
Pathian nihna apiangte chu Isua nihna a ni zel mai a ni. Thlarau a\anga Paula
thusawi aia Isua Pathian a nihna khaikhawmna \ha zawk hi a awm lovang:
“Amahah chuan Pathian
famkimna tinreng
Chu Taksa neiin a awm
reng si a.
Amahah chuan in famkim
ta bawk a” tih hi. (Kolossa 2:9-10).
**************************
Article:
THIANGHLIMNA
- Rev Zalawma. Gen. S.S Director
Thianghlimna hi thil tul leh pawimawh tak
mai a ni. Pathian kan rin chhan leh ringtuten kan beisei leh kan tum ber
chu Vanram kai a ni. Vanrama cheng ve tur chuan Thianghlim a ngai. Hebraite lehkhathawntu
chuan, “Thianghlimna lovin tuman Lalpa an hmu lovang,” a ti (Hebrai
12:14). Chuvangin, Vanram kai tum kan nih chuan hengte hi hre reng ila :
1. Pathianin bawlhlawh turin min ko lo va,
thianghlimah min ko zâwk a ni. Chumi pawisa lotu chuan mihring pawisa lo
nilovin, Pathian, a Thlarau Thianghlim pe \hintu che u chu a pawisa lo a ni ( I
Thes 4 : 7,8).
2. Ringtute hi mi thianghlim ni tura kohna
thianghlima koh kan ni ( I Kor 1 :2, II Tim 1:9).
3. Pathianin, “ Nangni in thianghlim tur a
ni, kei ka thianghlim si a,” a ti. (Lev 11:44); I Pet 1 :15-16). Thianghlim leh
thianghlim lo chu a chenho theih dawn si loh avangin, kan intithianghlim ngei
tur a ni.
4. Johana chuan Lal Isua lo inlar huna
amah anga awm ve beisei apiang chu, amah a thianghlim angin an intithianghlim
\hin a ti ( I Joh 3: 2-3)
Chuvangin Isua nena len dun beiseina tak
tak neitu chu mi hmuha mawi zawn vang emaw, kohhran rorel leh dânte zah vang
emaw ni mai lovin, Lal Isua an (ang) duh vang leh a zirtîrna a nih avangin kan
intithianghlim ngei tur a ni.
Isua ngaina viau leh Vanram thlahlel tak
anga lang si, thianghlimna kawng zawh tum miah si lote chuan Krista leh a
Lalram an beisei tak tak lo a ni ang. Lal Isua’n a lo kal hunah
mithianghlimte chauh a lâk dawn avangin, chu chu, ‘ Mithianghlim lawr’ an ti.
THIANGHLIM TURTE:
Paula’n, “ Remna Pathian ngei chuan in
pumin tithianghlim che u rawh se; tin, in thlarau leh in rilru leh in taksa chu
kan Lalpa Isua Krista lo kal hunah chuan sawiselbovin, a puma hum himin
awm rawh se.” a ti a (II Thes 5:23). Chuvangin, kan pumin, kan chhûnglam leh
pâwnlam pawh a thianghlim tur a ni.
Paula vekin , “ Lalpa chu kan pa a
nih a, a fate nih theihna thutiam ropui tak kan neih avangin, tisa leh thlarau
bawlhlawhna zawng zawngah i intifai ang u, Pathian \ih dêk chunga thianghlima
tifamkimin,” a tih kha (II Kor 7 :1).
Pawnlam Thianghlimna :
Hei hi kan taksa chungchâng leh a thiltih
sawi nan hmang ila. Kan taksa hi a thianghlim tur a ni a, a thiltih leh a
chêtzia(dan) pawh a thianghlim tur a ni. ‘ Thianghlim’ tih hi ‘ Fai’, ‘ Hlir /
Hlang, Dik’ tite pawhin a sawi theih e.
Chuti a nih chuan pâwnlam thianghlimna chu
dik taka thiltih \hin te, tih loh tur tih lohte, taksa leh silhfen, ei leh in,
chênna leh khawsakna vawn fai leh tihthianghlimte hi a ni. Keini kohhran hian
pâwnlam thianghlimna hi kan sawi tam viua naa a sâwt lo hle mai. Kohhran chaklo
tak kan ni. Hetiang hian thianghlimna tur point \henkhat han sawi ila:
(1) Paula’n, “ Pathian duh zâwng, in
thianghlimna tur chu hei hi a ni, Inngaih bansan ula”, a ti ( I Thes 4:3). “Mi
ngaih hmang chuan ama taksa chungah thil a tisual,” a ti bawk (I Kor 6 :18).
Nupa ni si lova mipat hmeichhiatna hman hi thianghlim lohna a ni. Hei hian kan
ram a tibawlhhlawh nasa êm êm a. Ringtute i intithianghlim ang u.
(2) Chetzia-ah : Paula vekin, “ In chetzia
zawng zawngah lo thianghlim rawh u ” a ti a ( I Pet 1 :15-16). Kan ramah
duham avang te, îtsîkna avangte leh kawng dang dang avangin diklo taka thiltih
hmang, chêtzia leh chêt dan thianghlim lo tak tak a tam mai. Ringtute chuan
vantlâng zîngah leh mimal hnenah pawh chêtze thianghlim kan nei fo tur a ni. Nu
ho pawhin chêtze thianghlimin pasalte hneh theih a ni ( I Pet 3:2).
(3) Tisa tibawlhlawh thei lakah :
Mipat hmeichhiatna lam chu sawi tel tawh lovin, kan taksa (tisa) tâna
\hatna leh \angkaina ni si lo; chhiatna min thlentu ni zâwk mah si, kan
sawi fo ruih theih thilte lakah hian intihthianghlim a \ul hle mai. Vawiinah
hian a \hat loh dânte sawi vak lovin, heng lakah hian intithianghlim tur kan
nihzia hi rilru tharin i ngaihtuah teh ang u. Zûk leh hmuam te, zû leh drugs
kan tihte hi kan taksa awmdân pangngai tidanglama tichhetu an ni.
Chhûnglam Thianghlimna :
‘Chhûnglam thianghlimna chu thlarau leh
rilru (spirit and soul) thianghlimna hi a ni,’ ti ila a sual awm lo ve. Paula’n
hêngte hi a thianghlim tur a ni tih min hrilh ( I Thes 5:23). Hêngte hi a
thianghlimna turin a tibawlhhlawh thei lakah kan ven a, kan thiarfihlim a ngai
a ni. Itsîkna te, elrelna te, kuttling lova sum hmuh duhna te, mi chunga thil
\ha lo tih duhnate hi rilru bawlhlawh a ni a. Ringtuten kan nei tur a ni lo.
Tin, Thlarau (spirit) chu kan mihring
chhûngnung zâwk, kan kawchhûnga thil awm anga kan ngaih hi a ni a. Chumi hmang
chuan mi bum tuma lemchannate a lo chhuak \hin. Chu chu thil bawlhhlawh a ni.
Pathian hnen atanga hriattirna dawng hauh si lova dawng anga insawite hi
thlarau bawlhhlawh a ni. Chutiang chu kan chîng tur a ni lo (Jer 14:14; I Lalte
22 : 20).
**************************
KA CHAKNA LALPA
- Rev R Vanlalawia Kolkata.
Sam 44:3 Ram hi luah tûra anmahni khandaiha an lak a ni lo va,
Anmahni bana inchhandam an ni hek lo:
An chunga i lawm avângin
I kut dinglam leh, i ban leh, i hmêl engin
a ni zawk....
Sam 44:21 Kan Pathian hming kan
theihnghilh emaw,
Ram dang Pathian lama kan kutte kan phar
emaw chuan,
Pathianin chu chu a zawng chhuak lo vang
êm ni?
Thinlunga thurukte hi a hre reng si a.
Kora fate sam hi tha tak a ni a, a thu hi
dik tak a ni. Lalpan Israel fate Kanaan ram a pek khan ral an do ang a, an hneh
chin chin an nei mai ang tih kha chu a ni a, Mahse Jeriko an hneh dante kha a
thlarau thil riau. Amor leh Kanaan lal te pawh kha Jordan lui kang chat thawmah
an zam bechhe mai a nih kha(Jos 5:1) A thu an zawm avangin ram a pe a, anmahni
din ni lovin Lalpan a pek tih hi a dik zawk a ni.
Pathiana an rinawm chhung chuan mala sawm
a, Amah theihnghilh a, milem an biak chuan sala lem zawhin an awm tih kan hria.
U.P.C kohhran din chhoh lai khan 1950 atanga kum tam tak kha chu
kan pung chak ngei mai. Lalpa Thlarauva dina nih vang a ni. Mahse keimahni hian
eng pathian dang nge kan biak a, mahni ropui inti a, lian ta viau a inhriatna
te, lal chakna kan zingah a han awm chuan kan ram neih sa pawh min chhuhsak mai
a ni e.
Keimah pawh ka inngaihtuah a, Lalpa min
hman duh anga ka inpek nasat theih poh leh ka chak mai a, a huam a zauh leh zim
chu engpawh nise, kohhranin malsawmna a dawn nasat phah ve thin. Nangpawh chutiang
tho chu i ni ang. Pathian thusawi thiamna te, tui taka zai leh lamna te,
tawngtai dam theihna te pawh hi keima tih theih leh keima ta emaw tihna ka neih
deuh va, keimah a len a, Lalpa ka rinchhan vak loh chuan... A rahchhuah chu a
ropui lo leh tlat thin.
"Pathian hming theihnghilh emaw ram
dang pathian lama ban phar" emaw tih hi engtiang a zau nge kan huap tir
ang? "Ka hming lang tel se" tia lar chakna neihte hi a ni ang a; tun
tum kan revival chu "Pathianin mal min sawm a ni" tih theihnghilh a,
ka beih nasat em vang a ni tia mahni kan inhmuh hmasakte hian; Pathian
huatzawng a ni.
Kan khawsakna berh tak a lo ziaawm ve a,
kan aia sang thinte kan tluk ta nia kan hriatte hian chapona tenau a lo awm a.
Tin, Sum umna lama kan tlan thui lutuk a, Pathian haiderna hmun kan thlente
pawh hian, mahni kan inhmu lian leh a, chu’ng hunahte chuan kan thinlung hi a
lo hmu kiau si a.
Chuvangin unau duh tak, keini unau chu
Lalpan a thlawn a min pek ringtu kan ni a, Anin min theih nghilh a Ata te min
chhuhsak anih zawngin chakna kan neih sawi tur kan neih loh hi. Ka chakna zawng
zawng hi Lalpa min pek a ni a, amah lo chuan tih theih ka nei ve lo tih
inhriain kan chakna Lalpa hi thlah lo ila a va tha ber mai em!!. Lalpan ropuina
chang zel rawh se. Amen.