NORTH MIZORAM DISTRICT PYD BOARD NEIH A NI.

February ni 17, 2012 Zirtawpni chawhma dar 11 atang khan Headquarters Biak In, Tuikhuahtlangah North Mizoram District PYD Board meeting neih a ni. Meeting hi Rev. C. Lalramthanga, North Mizoram District PYD President-in a kaihruai a, District Board member te he meeting ah hian an kal tha hle. Rorel tlangpuite (minute ang diak diak lovin)

1. Kum 2012 District PYD Conference na hmun tur : Kum 2012 December Pathianni hmasa bera District Conference thlengtu tur Reiek Bial ten Conference an thlen theih leh dawn tak loh avangin Headquarters Local-ah ngah a ni.

2. April 27-29, 2012 chhunga General PYD Conference-ah Khawpui chhung bial te Bus hmanga kal theuh tura beisei an ni a. Hei bakah hian District PYD sumin Bus 3 vel hman tura ruahman niin kal thei turin Pastor bial tin atangin mi 3 theuh  tal kal ni se tih a ni.

3. Kum 2012 Bial PYD Conference hrang hranga ASC Home pual thawhlawm tlingkhawm chu O.B ten a remchan dan angin lo buaipuiin lo hlan mai se tha tihtlan a ni.