Kum 2011 chhung PYD inkhawm hnuhnung berah Zemabawk PYD te nen hun hlimawm tak hman ho a ni.

Kum 2011 chhung PYD pual Inkhawm hnuhnung ber, December ni 19, Thawhtan zan Inkhawmah Zemabawk Local PYD ten min rawn tlawh a. Zemabawk PYD te hi bus leh lirthei tê hmangin member 33 lokalin hun hlim tak hman ho a ni.

Inkhawm hi Bro. Lalngilneia, Chaltlang Local PYD President-in a kaihruai a, Sis. R.Laltlanthianghlimi, Zemabawk Local PYD Treasurer in Tanna hun hmangin Bro. C.Lalengmawia, Zemabawk Bial PYD Asst. Secretary in Pathian thuchah tha tak a sawi. Inkhawmah hian Chaltlang Local PYD ten kum 2011 chhung PYD of The Year-a thlan Sis. Lalparmawii leh Group 2 inelnaa ti tha zawk Isaia Group hnenah lawmman hlanna neih a ni bawk. 

Inkhawm ban velelh Biak Inah Fellowship hlimawm tak neih zui a ni a, Bro. Lalrintluanga Zemabawk Local PYD Financial Secretary leh Bro .R. Lalthakima Chaltlang Local PYD Vice President ten Fellowship hi kaihhruaiin mal zai mawi tak tak ngaihthlak a ni a, Zemabawk local ten Lemchan (Drama) hmuhnawm, nuihzatthlak leh zirtirna nei tha tak an entir a, Bro. Lalzahawma Chaltlang Local-in amah chauhava Lemchan (drama) a entir zui leh bawk a. Mit a tlai a, nuih a za a, a hlimawm tak zet zet a ni. Bro. K.:Lalngilneia Chaltlang Local PYD President leh Bro .T.Lalfamkima Zemabawk Local PYD President ten Fuihna thutawi an sawi ve ve bawk. Chaltlang Local LAD ten thingpui tui takin min lumsak a, hla mawi tak 1 an sa zui bawk a. Mit a tlai hle mai.

Music Instrument inchhawpin Sound system thar hman niin Live music nen fak hla saa zaiho niin Krismas hla te thinlung takin sak ho a ni a, zai a nuamin hun hman hrim hrim pawh a nuamin a hlimawm tak zet a ni. Tichuan kham lo tak chungin zan dar 10:30 ah kan bang ta a ni.

Zemabawk Local PYD ten Chaltlang Local PYD te ngaihhruina thilpek Brite lian tawk mai min hlan a, a lawmawm hle.