THEOLOGICAL EDUCATION BOARD NEIH A NI

Dt. 14.11.11 Thawhtan zan khan CBC Principal’s Office Chamber,  Shillong-ah UPC NEI Theological Education Board meeting pawimawh tak neih a ni a, meeting hi Rev.P.Chunga General Superintendent-in a kaihruai. Thu pawimawh tak tak 9 rel a ni. Thurel tlangpuite:

1.      Kum 2012 session atanga thawk tan turin lecturer pakhat (Fixed pay Rs 8,000 per month) lak belh  ni se, Advertisement chhuahin January ni 31, 2012 thleng dilna hun a ni ang a, February 2012 chhungin interview neih tur a ni ang.

2.      Bachelor of Theology (B.th) curriculum siam dang lam hreta Curriculum thar CBC faculty ten an duan chu pawm a ni.

3.      G.Th course hawn belh tura thu tihtluk niin course rei zawng hi kum 3 a ni ang. Class X tan passed tan a zir theih ang. G.Th tluang taka zir zo te chuan B.Th an zir zawm duh anih chuan kum khat zir belhin B.Th degree pek theih a ni ang.

4.      Library Building Project chungchang Executive Board –ah thlen tur a ni ang.

5.      Student Medical Bill theih zat Rs 3,000/- chu Rs 5,000/- ni tawh tura rel a ni. Hospitalized case leh tul bik thil chu Faculty Committee in an ngaihtuah ang.

6.      North East India hnuaia District hrang hrangten Bible zirna School ten Calvary Bible College, Shillong-ah affiliation an ti thei tawh ang. District Bible School ten CBC atanga siam subject 6 an zir ang a, kum tin subject 2 zel exam tur a ni ang.

Hemi zir zo tawhte tan CBC ah zir zawm theih a ni ang a, District Bible School-a 75% marks hmua passed te chuan Class X passed lo mahse full course in G.Th an zir zawm thei ang. Tin, Matric passed chin District Bible School zirchhuakte chuan G.Th Course kum 2 zirin an zo thei ang a. Tin, Class XII paseed chin District Bible School a zirchhuakte chuan B.thCourse kum 2 chhung zirin an zo thei dawn a ni.

Rev.Rosanga Kawlni Aizawl East District Treasurer in Pathian hnenah tawngtaiin meeting hun tawp a khar.