Hmun hrang hrang PATHIAN HNENA LAWMTHU SAWI CHAWIMAWINA neih a ni a, neih mek zel a nidawn bawk

October ni 15 Inrinni hian Chaltlang Biak In kalh hawn tharah Pathian hnena lawmthu sawina Chawimawina neiin Biak In lawmna leh Hlanna neih a ni dawn a. Bawng lian tak leh Vawk talh a ni dawn a, Dt. 14.October 2011 Zirtawp zan atangin hun hman tan a ni ang. Chaltlang khaw chhunga Kohhran hrang hrang te he hun hmanpui tur hian sawm an ni a, Bial chhung kohhran hrang hrang bakah Aizawl khawpui chhung kohhrante pawh sawm an ni. 
Heng a hnuaia mite hi Pathian hnena lawmthu sawi chawimawina hun hman turah thusawitu tur te an ni:
Zirtawp zanah - Upa Lalnunnema, Chaltlang
Inrinni Chhun (chawimawini) ah - Rev. Lalmalsawma Sailo Gen. Treasurer
Inrinni zanah - Rev. Laltluanga Treasurer. North Mizoram Dist.
Pathianni zingah - Rev. Rosanga Kawlni Treasurer,AED 
Pathianni chawhnu - Rev. Zohmingthanzama, Gen. Missions Secy
Pathianni zan - Rev. C. Liancham Bialtu Pastor ten thu an sawi ang
►Sertlangpui, Lunglei Dist ah Oct 3 khan bialtu Pastor, Pastor Vanlalenga ten Pathian chawimawina neiin an vawk lian zet mai an thawh a. Hlim takin ruai kilho a ni.
► October ni 8 khan Sis. Vanramthangi ten Sertlangpuiah hian vawk inches 40 vel zeta lian thawhin Pathian hnena lawmthu sawi chawimawina an nei veleh a, kohhrante an hlim tak zet a ni.
► Dt. 13 October 2011 Ningani hian Bro. Rokamlova te chhung chuan Khawrihnimah Pathian Chawimawina neiin hlim takin ruai theh a ni a, thlarau malsawmna an dawng nasa hle. Rev.R.Lalthanzualan rawngbawlna neiin mi thar 9 sengluh niin mi 12 tui baptisma an chang tawh.
► October ni 14 Zirtawpni hian Bro. Paolensat te chhungkua chuan Leimakhong Local (Imphal District) ah Pathian chawimawina an nei dawn a, hlim takin ruai kilho a ni ang. Evan Gk.Khupseh Speaker-ah hman a ni ang.
►North Vanlaiphai Leilet vengah October 10, 2011 khan Sis.Neihtluangi te chhungkuain Vawk thawhin Pathian hnena lawmthu sawi chawimawina an nei a. Dt. 11.10.11 khan Lawi talhin Chawimawina hi an nawn leh a, kohhranhote Lalpan a awmpui a, thlarau malsawmna nasa tak an chang a, an hlim hle.