Chaltlang PYD te leh Zemabawk PYD ten hun hlim tak kan hmang ho.

Ruahman lawk angin Chaltlang PYD te chuan FEHCHHUAH programme kan lo duak lawk, Zemabawk PYD tlawh chu hlim takin, Lalpa awmpuina changin kan ti hlawhtling thei ta. Lalpa fakin awm rawh se.

Local PYD Committee chuan Zemabawk PYD te tlawh turin Dt. 23rd October 2011 Pathianni chawhnu leh zan a ruahman a, Zemabawk local hruaitute nen indawrin tluang takin indawrna kalpui a ni a. Tichuan, ruahman lawk leh tum ang taki nDt. 23rd Ocotber 2011 Pathianni chawhnu leh zanah Zemabawk kohhran Biak in kalh hawn tharah hlim takin Zemabawk PYD te leh kohhranhote nen hun kan hmang a, a hlimawmin tisa leh thlarauah kan hlawk tlang hle.

Chaltlang PYD atangin member 41 kalin min thlengtu Zemabawk localte pawh an thahnem hle. Hetiang hian hun hman a ni.

CHAWHNU:

Inkhawm dar 1:30 ah tan a nia, Bro. Malsawmtluanga Hauzel, Zemabawk Vice President-in inkhawm a kaihhruai a, Sis. Mary Lalrammawii Chaltlang Local Fin .Secretary-in Tanna hun hmangin Evan F.Lalngaihawma, Chaltlang-in TAWNGTAINA tih thupui hmangin 'Tawngtaina vangin thil ropui tak a thlen theih thu leh ringtute tawngtai uar tura fuihna thuchah ropui tak a sawi.

FELLOWSHIP:

Chawhnu inkhawm ban hian Zemabawk S.S Hall-ah Fellowship hlimawm tak neih a ni a, Bro. Lalengmawia (Zemabawk Bial PYD Asst Secy) leh Bro. J.H Malsawmdawngliana (Chaltlang PYD Asst. Secy) ten kaihruaiin Introduction hlimawm tak Local Secretary 2 ten an nei a. Soloist Bro. Ricky-a (Zemabawk) leh Sis. C.Lalrempuii(Chaltlang) ten Pathian fakna hla mawi tak an sa a. Chaltlang PYD 'Boy Band' ten fakna hla mawi tak an sa bawk. Bro. R.Lalthakima (Chaltlang PYD Vice President) leh Bro.T.Lalfamkima (Zemabawk PYD President) ten Fuihna thutawi an sawi ve ve bawk a. Hlim leh tha tho takin zaiho a ni bawk a, dar 4:50 ah fellowship hi kham lo takin tin a ni.

ZAN:

Bro.T.Lalfamkima (Zemabawk PYD President) in inkhawm a kaihruai a, Tantu Sis. Esther Lalrawngbawli (Chaltlang PYD) hnen atangin 'Danglam tur Ringtu' tih thu hmangin Pathian thu ropui tak ngaihthlak a ni a. Thusawitu Upa Lalnunnema (Adviser, Chaltlang PYD) hnen atangin 'NUNG' tih hmangin " Kan thinglungah hian englai pawhin, khawi hmunah pawh Thlarau 'NUNG' a awm reng tur a ni. Kohhran kan hruainaah hian Local atanga General thlengin keimahniah hian NUNg a awm tur a ni" tiin Pathian thuchah ropui tak a sawi. Bro. Ricky-a leh Sis. Hming-i (Zemabawk) te hnen atangin fakna hla mawi tak ngaihthlak a ni bawk. Bro PC.Lalrokima (Chaltlang PYD Secretary) chuan Zemabawk Kohhran leh PYD te chungah lawmthu sawina hun hmangin "Kawng engkimah, min lo dawnsawnna leh min mikhual naah kan lawm, kan lawm tak zet a ni. Local hruaitute nena kan inbiakna leh dawtna kawngah te zawldawh takin, inhawng takin min dawr thei zel a. Tin, ei leh in, mikhual min thlen na kawngah duhthusam kan hmu a, kan lawm tak zet a ni" tiin lawmthu a sawi a. Bro. Ricky Lalrintluanga (Zemabawk Fin. Secretary) pawhin Chaltlang Local te chungah leh Kohhran chungah lawmthu a sawi bawk. Chaltang Local PYD ten ngaihhruina thilpek SANA LIAN chu Sis. Thangmuri (Adviser Upa Lalnunnema nupui) chuan Zemabawk PYD hnenah a Pathian fak leh chawimawina hla hlim takin sakho a ni a, Zion hlapui rem niin Pathian thlarau awmpuina leh siamtharna changin Fehchhuah hunchhungin hlim taka hun hman a ni a.

Zan dar 9:00 khan kham lo takin Zemabawk PYD te nen kan in MANGTHA ta a ni.