MISSIONARY DAY HLIM TAKA HMAN A NI Member 27 zet ten UPC zawm thar

UPC-NEI huamchhunga tualchhung kohhran hrang hrang ten September ni 25 'MISSIONARY DAY' chu hlim takin an hmang zo ta. Tualchhung tam zawkin Thingpui ruai nen Misisonary Day hi hmangin Tualchhung kohhran eng emaw zatten ran talhin ruai nen hlim takin Missionary Day hi an hmang. 'Missionary te hmangaihna thinlung thar pu turte', 'Missions rawngbawlna inhrilh thar nan te', 'Lal Isua thupek zawma Kohhran din chhan ber Chanchin tha khawvel zawng zawnga kal hril turte' leh 'Ram thim ramroa nasa lehzuala rawngbawl tura infuihna te' nen hlim takin an hmang hlawm a, Pathian thlarau awmpuina leh malsawmna nasa tak an chang hlawm a ni. Aizawl East District erawh chuan Bial Mission Conference hmangin, a remchan dan angin Conference  chhung hian Missionary Day hi an hmang a ni.

Missionary Day ni hian hriat theih chinah Member 27 (Hindu - 10, Presbyterian - 1, Salvation Army - 5, Mz UPC - 2,Catholic - 8,other -1) ten Lalpa Kohhran leh a maicham dik tak tundinna an rawn zawm thar a ni, chungte chu :-

* Chaltlang Kohhran, Aizawl-ah Presbyterian tlangval 1 in Isua hminga Tui baptisma changin UPC a zawm nghal a, Mizoram UPC atangin member 2 te an lo lut bawk.

* Kakching, Kaching Section Hqrs Imphal District-ah Hindu chhungkaw 1 (member 4 te) UPC -ah lawmluh an ni a, an zinga puitling 2 in Isua hmingin Tui Baptisma an chang nghal.
*Leimakhong, Kangpuokpi Bial, Imphal District-ah mithar 1 in Isua hmingin baptisma a chang bawk.

* Vanhne, Rahsiveng (Lunglei) bial-ah Salvation Army chhungkaw 1 (member 5) te UPC-ah lawmluh niin an zinga puitling mi 2 in Isua hmingin tui baptisma an chang nghal.

* Samdasguri-ah Hindu chhungkaw 1 (member 6) te UPC an lo lut a, an zinga puitling 3 in Tui baptisma an chang nghal.
*Wailou kohhran Dingpi Section, Inphal District-ah Ramon Catholic chhungkaw 1, member 8 te UPC ah lawmluh niin an zinga mi 2 in Isua hmingin baptisma an chang nghal.

September ni 25 hi khawvel puma United Pentecostal Church (UPC) din ni a ni a, kum 1945 September 25 khan Pentecostal Assemblies of Jesus Christ leh Pentecostal Incorporated Church te inzawmkhawmin UPC hi an din a, he ni September ni 25 hi N.E India huamchhungah chuan Missionary Day-a kan hman mek a ni.