Thlarau lam hla nen 43rd Gen. Conference Lunglei tan a ni ta

UPC-NEI General Conference chu Dt. 14 April 2011 Ningani zan khan Lunglei chanmari UPC Biak inah tan a ni ta. Conference tan zan inkhawm hi Palai lawmna inkhawm Welcome Service niin Rev. K.Darsailova General Supdt. in inkhawm a kaihhruai a, Palai lawmna thu Rev.R.Lalrosanga Lunglei Dist. Supdt -in thiam takin a sawi.

Rev. C.Lalmuanpuia North Mizoram District Supdt in Pathian thuchah a sawi. Rahsiveng Bial Zaipawl, Hqrs Bial zaipawl, Bro. H.Lalrinawma, Sis. Ramtharzuali leh Chawngte Local Zaipawl ten Pathian fakna hla mawi taka sain Palai lawmna inkhawm hi zan dar 10:20 ah tin a ni. Thlarau lam hla nen inkhawmpui bul tan a ni.

Inkhawmpui thupui hi 'Isua lam enin (Looking unto Jesus)' Hebrai 13:2 niin Inkhawmpui chhung hian speaker hrang hrang ten an sawi thin ang. Dt 14.4.2011 Ningani zan thlenga palai in report zat chu 300 chuang an ni tawh.

15.04.2011 Friday
Departmental Conference Business
Zing dar 10:00 ah department hrang hrang 3 ten conference rorel an nei a, General Missions Department ten Hqrs. Biak inah conference rorel neiin Gen. S.S Deptt ten Hqrs S.S hall-ah rorel inkhawm an nei bawk a. Gen PYD te chuan Farm veng biak inah conference rorel inkhawm an nei bawk.
(Conference rorel chhuahawm chi te zanin lamah rawn tarlan kan tum e)