43rd GENERAL CONFERENCE a tiak ta.

General Conference vawi 43 na chu Pathian awmpuina leh venna in tluang taka zawhfel a ni ta. Dt 14th April 2011 zan atanga tan General Conference-ah hian palai kal an thahnem hle a, Lunglei khawpui chhung atangin inkhawmpui chhimtu an thahnem thei hle bawk.

General Conference-ah hian Dapartment 3- General Missions, General Sunday School, General PYD ten Conference an nei ve bawk a, General Missions hian 29th General Conference hmang nghalin, Sunday School te hian 32th General Conference hmangin General PYD te hian Conference vawi 33 na an hmang nghal thung. Zirtawpni ni 15/04/2011 khan Department hrang hrangte hian Conferecen rorel an nei a, Dt 16/04/2011 Inrinni khan Kohhranpui rorel a ni thung.

Inkhawmpui chhungin mimal leh zaipawl ten fakna hla mawi tak an sa thin a, thlarau lam boruak nen hun hlimawm tak hman a ni. Conference speakers te : Rev. C.Lalmuanpuia. Dist. Supdt. North Mizoram (ningani zan); Rev. C.Valy, Dist. Supdt. Chhimtuipui (Zirtawp zan) ;Rev. Ellic Hnehzova Fanai General Treasurer (Inrinni zan); Rev. K.Darsailova Gen. Supdt (Pathianni zing); Rev. R.Lalhawia Dist. Supdt (AED) te niin Pathianni zan inkhawm hi Rev. & Mrs K. Darsaillova (june ni 4, 2011) a pension tur leh Rev. & Mrs Ellic Hnehzova Fanai ( April ni 6, 2011) a pension te thlahna FAREWELL SERVICE neih a ni a, anni pahnih hnen atangin thutawi ngaihthlak a ni. Pathianni zan hian tlaivara lengkhawm niin conferecne chu kham lo takin a tiakl ta a ni.

Rorel te :
1. Conference leh na hmun tur: 2012 General Conference na tur ruat lawksa Aizawl East District chu nemngheh niin 2013 conference North Mizoram District chhungah ngha a ni ang.
2. PENSION RULE AMENDMENT : ‘Family Pension, “Kohhrana thawktu nghet, voluntary pension-na tur atana mamawh, qualifying service kum 15 thleng pha lova boral/thi nupui/pasal te chuan a boral ta hlawh lak hnuhnung ber atanga chhuta zaa sawmthum (30% of last basic pay) hmuin family pension an hmu thei ang,” tiin kan Pension Rule-ah hian provision thar siam ni se ‘ tih chu pass a ni.
3. CONSTITUTION AMENDMENT:
1) Section 232 siam rem thu: Constitution Article 43, Section 232 para 4 ‘PYD Membership fee’ chungchang hi Section hrangah dahin Section number siam belh ni se; a chhan chu Section 232 thupui ‘PYD Member nih theihna’ tih nen hian a in mil lo deuh si a.
2) Section 269 delete thu: Constitution Article 53, Section 269 hi paih (delete) ni se (Section 265 nen thil thuhmun a nih avangin).

A chunga mi te hi agenda ang hian pass a ni.

‘District Board tihlen thu: Constitution Article 15, Section 83 hi tidanglamin District Board hi tihlen ni se’ tih erawh chu sawitu hrang hrangten an sawi hnuin ban phara vote lak niin a tlang zo ta lo.

North East India UPC rorelna sang ber Executive Board chu Dt 14.04.2011 khan an thukhawm a, Dt 18.04.2011 Thawhtanni hian Lunglei District office-ah an thukhawm leh a, Dt 18.04.2011 zan lamah an thukhawm chhunzawm nghal ang.

► Inkhawmpui chhung hian Lehkhabu -4, Zaipawl (Gen. Choir & Lunglei Dsitrict Choir) Music video; UPC-NEI Documentary Film te tlangzarh a ni.

► Lunglei District kohhranpui Webiste www.upclunglei.org hawn(launched) a ni.