District Conference neih mek zel a ni

►◄ North Mizoram District Conference chu Dt 3-6.3.2011 chhung khan Thenzawlah hlim taka hman zawh fel a ni ta. He conference rual hian District S.S Department leh LAD ten conference rorel an nei nghal a, Dt 5.3.2011 Inrinni khan Kohhranpui rorel a ni. Dt 7 - 9.3. 2011 chhung khan Thenzawl hmunah hian District Board neih nghal a ni. District board hian pastor atan Evan C.Lalthantluanga, District office-a thawk mek chu lain Bukpui bial a vawng nghal ang a, March ni 15-ah Joining report a pe ang.

►◄ Dt 10/3/2011 Thursday zan atang khan Churachandpur District Conference chu Songpi khuaah neih a ni. Rev. R. Lalrinsanga, General secretary, UPC-NEI chuan speaker niin a hmanpui.

►◄ Aizawl East District Conference vawi 17-na chu Dt 10.3.2011 zan khan Serchhip Biak in puiah neih tan a ni. Dt 11/3/2011 Zirtawpni chhun hian Biak in puiah LAD Conference neih a ni ang a, hemi rual hian License holder te tan Hmar veng YMA hall-ah seminar neih a ni ang.

Dt 12/3/2011 Inrinni chhunah Kohhranpui rorel neih a ni ang a, dar 10:00 a.m ah tan a ni ang. Rev. Biaksangzuala, Barak District Superintendent, Upa K.Lalremchhunga Khawhai bial Secretary, Rev.Lalrema - Republic bial, Rev.K.Darsailova General Superintendent, Rev. C.Valy Chhimtuipui District Superintendent, Rev.P.C.Lalnghakliana - District Secretary te Conference speaker an ni.

►◄ Chhimtuipui District Conference chu Dt 17-20/3/2011 chhung khian Siata hmunah neih a ni dawn a, Sunday School Department te conference-ah hian bet telin Zirtawpni Dt 18/3/2011 -ah rorel an nei ang a, Kohhranpui rorel erawh chu Dt 19/3/2011 Inrinniah neih a ni thung ang. Rev.K. Darsailova, General Superintendent leh Rev.Zalawma, General Sunday School Director ten conference hi an hmanpui ang a, Pathianni-ah Sunday School Seminar neih a ni ang, General Sunday School Director Rev.Zalawma chu resource person a ni ang.

►◄ Central District te pawhin Dt 17-20/3/2011 chhung hian Shillong hmunah Conference an nei dawn a, Rev. Ellic Hnehzova, General Treasurer in a hman pui ang.

TRIPURA DISTRICT, CHANDEL DISTRICT, IMPHAL DISTRICT, BARAK DISTRICT, SOUTH EAST NAGALAND DISTRICT, LUNGLEI DISTRICT te chuan February leh March thla tir lam khan District Conference hi an lo nei zo fel tawh a ni.

↕ District hrang hrang ten nasa takin hma an sawn theuh a, a lawmawm hle a ni.