30th N. Mizoram Dist. Missions Conf. hlim taka hman zawh a ni

Dt 29-31.October, 2010 chhung khan Bairabi Hqrs Biak inah N.Mizoram Dist Missions Department Conference vawi 30-na chu hlim taka hman zawh a ni ta. 29.October Zirtawp zan atanga neih tan Missions Conference-ah hian mikhual (palai) in ziaklut mi 1040 bawr vel niin a thlengtu Bairabi bial mipui te erawh chu chhiar tel an ni lo thung. Inkhawmpui palai an kal thain inkhawm boruak a nuamin a hlimawm tak zet a, fakna hla sakte, Pathian thu sawi rawngbawlna te, mimal leh zaipawl te rawngbawlna chenin Lalpan nasa takin mal a sawm a. Dt 29.October zan khan Rev C.Lalrammuana, Dist Secretary-in Conference hi hawngin dt 1.November.2010 zingkar khan inkhawmpui hi kham lo tak chungin a tiak ta a ni.

Inrinni (30.10.10) chhun khan Rorel inkhawm neih a ni a. Rorel palai 403 vel niin rorel zawh hian Dist Board thutkhawm nghal niin a tuk Pathianni zingah chhunzawm leh nghal a ni bawk.

Conference leh Dist Board rorel tlangpuite:

1. Missionary te tana tawngtaisakna neiha a bua siam ni se.

2. General Missions Dept-a thlen turin Arunachal Missiosn field huamchhunga Missionary awmna hmun apiangah Crusade neih ni se.

3. Member thar lakluh target insiam ni se tih rel niin bial tin (pastor bial 26) ten kum 2011 chhungin member thar lakluh target atan mi 50 siam a ni a, lawmman 1-3 thleng siam a ni ang.

4. 2011 atangin Conference fund Rs 300 ni tawh se.

5. Home Missions 5 a thawktute hun a tawp dawn tak avangin kum 2 chhung atan rawih chhunzawm an ni.

6. Home Missionary te kaihhruaina leh enkawl dan mumal zawka siam ni se, N.MZ Dist. Secy Rev. C.Lalrammuana chu lo duang tura ruat a ni.

7. Home Missionary Qtrs tinah Tuizem dah ni se.

7. Kum 2011 Dist .Missions Budget atan Rs 15,45,300.00 chu pawm a ni.

Nakkum 2011 inkhawmpuina tur atan Tlangnuam bial a ni ang a, 2012 ah Vairengte bial a ni ang.

He inkhawmpui chhung hian Evan Zoramthara, West Phulpui Missionary, pastor Zabiaka Sialsuk, Rev V.L Dika Sailo Gen. Missions Director, Rev.Laltluanga, Dist. Missions Director leh Rev. C.Lalmuanpuia Dist Supdt ten Pathian thuchah an sawi a, Sis. Elizabeth Lalsawmzeli, Sis. Laldanglovi. Sis. Ramtharzuali te bakah N.Mz Dist PYD Choir, Dinthar Bial Zaipawl, Kolasib Tumpui local PYD, Thingdawl Vengthar PYD zaipawl ten zaiin rawngbawlna an nei thin a ni.

Inkhawmpui chhung hian Bro.Lalhualhima Jaigaon, N.Bengal Sikkim Field Missionary Quarters Property, Dihmunzawl Biak In sakna tur atan te thawhlawm khawn a ni bawk. Pathian ni zing inkhawmah Faith Promise chhan niin cheng nuai 3 chuang zet leh Khuang 2 hmuh a ni bawk. Inkhawmpui chhunga thawhlawm (Faith Promise tel lovin) Rs 26,547 a ni thung.

Inkhawm boruak a nuamin Thlarau awmpuina hnuaiah hun hman niin Pathianni zan inkhawm hi dar 12:00 ah ban a ni a, tlaivarin zaikhawm zui nghal a ni a, conference palaite tisa leh Thlarau-ah an hlawk tlang hle a ni.