HMUIFANG LEH PHUNCHAWNGAH TIRHKOH DAH AN NI

North Mizoram District PYD Conf. 2010 rorel bawhzuinain District Crusade Committee bultumin Hmuifangah leh Phunchawngah tirhkoh dah an ni ta. Crusade hawnna leh tirhkoh lakluh inkhawm hi Dt 31.July.2010 inrinni khan Hmuifangah neih niin Evan Hranchhankhuma, Sialsuk chu Hmuifangah hian kohhran din ngei turin dah a ni a. Dt 1.August.2010 Pathianni chawhma dar 11 khan Phunchawng mel 10-ah Tirhkoh lakluhna inkhawm hi neih veleh niin Evan RK Vanlalngaia Maubawk chu lakluha dah a ni ta. Dist PYD president Rev.C.Lalramthangan tirhkoh 2 te hi a la lut a ni. Pathianin a ram a zauha kohhran din a nih ngei theih nan tawngtainaah i hre reng ang u.